POP 5

Lajmet më të lexuara të 5 minutave të fundit

Ekonomi

Aksioni kundër informalitetit, vetëm në janar 40 % e bizneseve kanë kryer shkelje

Rreth 40% e bizneseve të kontrolluara gjatë muajit janar janë konstatuar në shkelje. Sipas Drejtorisë së Përgjithshme të Tatimeve shkeljet më të shumta të identifikuara kanë të bëjnë me moslëshim të kuponit tatimor, punonjës të padeklaruar dhe mallra pa faturë. Vetëm në janar janë identifikuar 872 biznese me shkelje.

Drejtoria e Përgjithshme e Tatimeve vijon aksionet kundër evazionit fiskal dhe informalitetit. Për vitin 2020 në fokus janë disa nga sektorët që gjatë vitit të kaluar janë identifikuar si të riskuar sa i takon evazionit, siç është ndërtimi, sektori i hidrokarbureve dhe baret e restorantet. Po ashtu  një vëmendje e shtuar do t’i kushtohet edhe mos deklarimit të pagave reale.

Inspektorët tatimorë vetëm në muajin janar 2020, kanë kryer në total 1971 kontrolle, ku 872 biznese kanë rezultuar në shkelje të legjislacionit tatimor. Pra pas kontrolleve të ushtruar është konstatuar se rreth 40% e bizneseve të kontrolluara ishin në shkelje.

Rastet më të shumta të shkeljeve të identifikuara kishin të bënin me mallra pa dokumentacion tatimor, me 199 raste të tilla. Më pas me 195 raste të konstatuara vetëm për muajin janar renditet shkelja e moslëshimit të kuponit tatimor për herë të parë. Ndërkohë janë mbyllur tre subjekte pasi janë gjetur në shkelje të përsëritur për moslëshim të kuponit tatimor hera e dytë.

Po ashtu 61 tatim pagues janë gjetur në shkelje pasi nuk kishin të instaluar pajisjet fiskale si dhe nuk i mbanin në gjendje pune. Ndërkohë vijon të jetë prezent edhe shqetësimi i punësimit në të zezë, pasi sipas inspektimeve vetëm në muajin e parë të vitit u identifikuan me punonjës të padeklaruar 92 tatimpagues nga të cilët 72 subjekte “biznes i vogël” dhe  20 subjekte “biznes i madh”.

Këtë vit përveç implementimit të sistemit të ri të Fiskalizimit i cili synon monitorimin në kohë reale të bizneseve dhe uljen e informalitetit, biznesi do të përballet me gjoba të reja për shkeljet. Nga ana tjetër duke filluar nga muaj maj inspektorët do të pajisen me GPS. Një masë kjo që sipas tatimeve do të ulë abuzimet nga ana e inspektorëve.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14