Aktivisti më i vendosur i shoqërisë
civile Eliani fiton çmim nga Bashkia

Elian Tanini i identifikuar si një nga aktivistët më të vendosur të shoqërisë civile kundër ndërtimit të  Këndit të Lodrave në Parkun e Liqenit është nderuar nga Bashkia e kryeqyteti me çmimin "Raketa"  në një konkurs për skulpturat dekorative do të vendosen në parqe dhe ambientet e tjera publike të qytetit. 

Në protestat e shumta që u organizuan ai shfaqet në një foto që përleshet me policinë e bashkisë. Në prononcimet e shumta që ka bërë në media ai denonconte betonizimin e parkut dhe ishte pro gjelbërimit.

Në një njoftim të bashkisë e cila përmbylli konkursin e artistëve të rinj, duke shpallur 4 idetë e para fituese të skulpturave dekorative që do të vendosen në parqe dhe ambientet e tjera publike të qytetit. Njëri prej fituesve është pikërisht Tanini me veprën “Raketa.
 
Elian Tanini, Titulli i veprës “Raketa”
 
Raketë, origam ose avion që imiton aeroplanët prej letre, të cilët i bëjnë fëmijët në lojërat e tyre, si një vepër kulti që i kushtohet lojës së fëmijës bashkë me të dhe memories së qytetit. Do të jetë 11 metër i gjatë, rreth 2.5 m i gjerë, sa gjatësia reale e një avioni “Mig” që dikur gjendej shpesh në ish fushën e aviacionit. Ky avion letre që mban mbi shpinë pjesëza letërsie për fëmijë nga kartonët e asaj kohe, personazhe fëmijësh etj.










Elian Tanini në protestat kundër ndërtimit të parkut të fëmijëve te liqeni

Redaksia Online
(M.Ç/Shqiptarja.com)