POP 5

Lajmet më të lexuara të 5 minutave të fundit

Kultura

Aktivitete kulturore/ Përurohet qendra 'Albanian Night'! Në Teatrin kombëtar vihet në skenë 'Turjela'

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1 Në 15 dhjetor, në orën 19:00 në Tiranë do të inagurohet qendra më e madhe etno-kulturore në Ballkan, “Albanian Night”.

E vendosur në rrugën e Kavajës, kjo qendër do të vendosë në dispozicion të artistëve e artizanëve shqiptarë, një hapësirë e cila do të përmbledhë trashëgiminë kulturore nga tërësia e trevave shqiptare në një ambient të vetëm, në zemër të Tiranës, prej më shumë se 2500 metra katrorë sipërfaqe.

2 “Turjela” është shfaqja teatrore që do të ngjitet në skenën e Teatrit Kombëtar më 15 dhjetor në orën 20:00. Pjesa vjen me regjinë e Saimir Gongos.

3 Opera “Lucia di Lammermoor” do të vijojë të vendoset në skenën e Teatrit Kombëtar të Operas dhe Baletit edhe mbrëmjen e kësaj të diele, më 15 dhjetor, në orën 19:00.

4 Berati vijon festimet e tij në këto ditë dhjetori Këtë të shtunë, në sheshin “Teodor Muzaka” në orën 19:00 do të interpretojë këngëtarja Ronela Hajati, ndërsa të dielën, më 15 dhjetor në orën 19:00 do të ketë një koncert nga Grupi Popullor i Qytetit.

5 Nëse doni të bëheni pjesë e eksperiencave të reja VR mund t’i bashkoheni KubFranceTirana këtë të shtunë dhe të diel në orën 11:00-20:00.

Të interesuarit mund të bëhen pjesë e “Perandori”-t, një përvojë ndërvepruese e cila ju fton brenda mendjes së një babai me afazi dhe “Notre Dame i përjetshëm”, ku mund të zbuloni historinë mahnitëse të Katedrales Notre-Dame, nga Mesjeta deri tek restaurimi i sotëm.

6 Teatri për fëmijë “Së prapthi” është shfaqja që vjen në Teatrin “Metropol” në Tiranë këtë të diel në orën 11:00.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55