Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1. Në Teatrin e Kukullave të Tiranës, këtë të enjte, më 3 Prill, në orën 19:00 do të ketë një koncert nga kuarteti i harqeve “Fabrik”, me bazë në Frankfurt, Gjermani. Koncerti vjen në kuadër të projektit “Meritaplatform”, një koncert i organizuar mbi bazën e një “udhëtimi” ndërkulturor me muzikë moderne e bashkëkohore.

2.  Shfaqja “Streha e nemun” është shfaqja që do të vihet në skenën e Teatrit Kombëtar Eksperimental “Kujtim Spahivogli” më 3 dhe 4 prill në orën 19:00.

3. Po vijon të mbahet në qendrën e artit “Agimi” konkursi i Fotografisë “NOIR: Tirana nën lenten e zhanrit”.  Konkursi ju jep mundësinë të eksploroni kryeqytetin në këndvështrimin e frymës ‘noir’.

4. Në bibliotekën publike “Marin Barleti” në Shkodër vijon të qëndrojë e çelur ekspozita “Brandenburgu dhe Prusia, pikëtakime me Shqipërinë”.

5. “Unë jam një lule” është sfilata që do të ngjitet këtë të mbrëmje, më 2 prill, në orën 18:00 te Teatri i Kukullave në Tiranë. Sfilata vjen si një spektakël i vërtetë pranveror me 20 kostume të përgatitura nga nxënësit e kursit skenografi/ kostumografi.

6. “Udhëtim drejt shtëpisë” është fillimi i animuar që do të shfaqet në teatrin e Korçës më 2,3, 4, 5 dhe 6 prill në orën 11:00.

7. Takim mbi “Historinë dhe gjuhën e shqiptarëve dhe vllehëve” sjell një vështrim shkencor mbi veprën e Johann Thunmann nga profesor Përparim Kabo. Takimi do të mbahet më 3 prill në orën 18:00 në “Tirana International Hotel”.