Aktiviteti fizik dhe dietë e ekuilibruar
 faktorë kyç për rënie në peshë

Është thënë gjithmonë që një dietë e mirë organizuar si dhe një aktivitet i vazhdueshëm fizik ndihmon në rënien në peshë. Për t’i dhënë më shumë besueshmëri këtij fakti janë kryer disa studime nga Universiteti i Harvardit me anë të të cilit theksohet se aktitviteti fizik jo vetëm që ndihmon në rregullimin e metabolizmit por edhe në “modifikimin ” e trurit. Ky modifikim do të çonte në disa zgjdhje ushqimore të cilat do të favorizonin një dietë më të shëndëtshme dhe më të ekuilibruar. Kjo ndodh, sipas studimeve, sepse ushtrimet arrijnë të ndikojnë në disa struktura cerebrale të cilat shtojnë aftësinë e të qënit të ngopur. Megjithatë sipas tyre kjo nuk dotë thotë që personat nuk do të konsumojnë më produkte të caktuara vetëm sepse mund të regjistrohen në palestër, pasi ka të bëjë edhe me vullnetin e njerëzve për t’i evituar këto elementë.