VLORË- Një tjetër vatër zjarri është aktivizuar në Vlorë, këtë herë në zonën e Zvërnecit. Zjarri ka rënë në një sipërfaqe me ullinj dhe shkurresh, por që e favorizuar nga era e fortë në zonë flakët po përhapen me shpejtësi duke përpirë një sipërfaqe të madhe. Përhapja e flakëve po rrezikon banesat që janë aty pranë, ndërsa flakët rrezikun edhe një kabinë elektrike të fshatit, por që fatmirësisht zjarrfikësja i shuajti në kohë.
Një zjarr i qëllimshëm është regjistruar edhe në Nartë të Vlorës, ku rrezikohej djegia e disa banesave si pasojë e vatrave të zjarrit. Ndërhyrja e zjarrfikëses ka bërë të mundur shuarjen e flakëve. Në banesa nuk ndodhej askush, pasi banorët janë në emigrim. Policia dhe forcat zjarrfikëse në vendngjarje. Fatmirësisht shmanget djegia e banesave, pavarësisht se flakët ishin brenda territorit të njërës prej tyre.
Një ditë më parë zjarri përfshiu zonat e Panajasë dhe Bestrovës duke djegur sipërfaqe të mëdha me bimësi e shkurre. Zjarri bllokoi rrugën e vjetër nacionale Vlorë-Fier, duke kaluar edhe në anën tjetër të kodrës që ndantë aksi. Flakët arritën deri në 6 metra ku u rrezikuan edhe banesat në fshatin Bestrovë. Po në këtë zonë për shkak të zjarrit pati edhe shpërthime të municioneve luftarake që ndodheshin aty, sipas banorëve që nga trazirat e 1997.
Vlora ishte një ndër qarqet më të prekur, ku zjarret në Karaburun vijuan për javë të tëra. Prefekti Flamur Mamaj, ndëra bën një bilanc të sipërfaqes së djegur, thotë se në total janë shkrumbuar 4800 ha kullota dhe 12 ha pyje në Karaburun. Të dëmtuara janë edhe sipërfaqe të tëra me shkurre e kullota në Selenicë, Himarë dhe Finiq, por ende nuk ka një përllogaritje të saktë të sipërfaqes së djegur.
Edhe pse këto ditë ka patur rënie të temperaturave përsëri nuk mungojnë vatrat e zjarrit edhe në Fier. Mbi 50 fermerë janë prekur në fshatin Shtyllas nga zjarri i rënë ditën e sotme ku çdo familje numëron mbi 100 rrënje ullinj të përfshirë nga flakët. Banorët shprehen se zjarri erdhi nga Levani dhe dyshohet i qëllimshëm nga barinjtë e zonës. Fermerët shprehen se terreni i vështirë dhe zjarrfikësit punuan në kushte të vështira. Ishin 3 zjarrefikëse të Fierit ,Patos e Roskovecit. Kanë qenë edhe vetë banorët që kanë punuar me mjete pune që të fikin zjarrin. Zjarri ka shkaktuar dëme shumë të mëdha ekonomike.
Lajme të tjera
-
Shisnin fishekzjarrë pa leje në Vlorë, në hetim pronarët e 3 dyqaneve
23 Nëntor, 11:20 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Moti i keq në Fier/ Disa fshatra pa energji elektrike
22 Nëntor, 18:51 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11
