POP 5

Lajmet më të lexuara të 5 minutave të fundit

Sociale

AKU i bllokon 180 kg djathë me niseshte vëllait të kryebashkiakut të PD-së

Pasi u konstatua, djathi me niseshte, përmes tregtarit në Tiranë u identifikua furnizuesi, që sipas AKU ishte Alfred Hila në Shkodër, i cili rezulton se është vëllai i kryebashkiakut të Vaut të Dejës Zef Hila, i zgjedhur nga radhët e PD.
AKU i bllokon 180 kg djathë me niseshte vëllait të kryebashkiakut të PD-së

Prova e djathit qe rezultoi me niseshte

Autoriteti Kombëtar i Ushqimit njoftoi sot se ka bllokuar në Tiranë 180 kg djathë, pasi rezultoi me niseshte. Pasi u konstatua, djathi me niseshte, përmes tregtarit në Tiranë u identifikua furnizuesi, që sipas AKU ishte Alfred Hila në Shkodër, i cili rezulton se është vëllai i kryebashkiakut të Vaut të Dejës Zef Hila, i zgjedhur nga radhët e PD. AKU deklaron se ndaj subjektit në fjalë ka marrë masë administrative, ndërsa djathi është bllokuar dhe rasti eshte kallezuar ne prokuroi.

Tolerancë zero ndaj çdo subjekti abuzues me sigurinë ushqimore. Ministria e Bujqësisë dhe Zhvllimit Rural nëpërmjet Auteritetit Kombëtar të Ushqimit (AKU) ka forcuar dhe shtrënguar akoma më shumë masat dhe kontrollet, nëpërmjet monitorimeve dhe sinjalizimeve të vazhdueshme ndaj çdo subjekti tregtar, me qëllim sigurimin dhe garantimin e çdo produkti që tregtohet në vend. Kështu, gjatë një kontrolli, në tregun Agro-Ushqimor në Tiranë,  inspektorët e AKU-së kanë bllokuar 180 kg produkt djathi, i cili rezultoi që në përbërje të tij kishte niseshte.

Nga inspektimet e mëtejshme u konstatua që subjekti me Nipt L52026101D ishte furnizuar sipas një fature të thjeshtë tatimore Nr. 2 datë 15.7.2018, nga subjekti Alfred Hila në Shkodër me Nipt K46823021D. Nisur nga ky kontroll, DRAKU Shkodër nisi menjëherë inspektimin në subjektin e lartpërmendur, nga ku konstatoi që subjekti, me Nipt  K46823021D, kryente veprimtari në kundërshtim me ligjin, pasi nuk zotëronte asnjë dokumentacion shpjegues për gjurmueshmërinë e produkteve. Sipas ligjit në fuqi, çdo subjekt ka detyrim ligjor për të patur të dhëna të plota e dokumentuara për lëndën e parë të furnizuar dhe për çdo furnizim për të tretë, me produktin përfundimtar të kryer.

Menjëherë nga trupa e inspektorëve të AKU Shkodër u mor masë administrative ndaj këtij subjekti si dhe u vendos masa e bllokimit të produktit djathë të falsifikuar, i cili sipas proçedurës do të asgjesohet. AKU gjykon që është e dukshme kryerja e vepres penale të mashtrimit, parashikuar nga neni 143 i Kodit Penal, dhe këtë rast do e depozitojë me shkresë në Prokurori, në kuadër të bashkëpunimit operacional. Ministria e Bujqësisë dhe Zhvillimit Rural, garanton të gjithë konsumatorët që do të vazhdojë të jetë viligjente, duke forcuar dhe vënë në lëvizje të gjithë mekanizmat dhe instrumentët e duhura institucionale, me qëllim garantimin dhe fuqizmin e sistemit të gjurmueshmërisë dhe sigurisë ushqimore.  

NJOFTIMI I AKU

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Veshgjati Viçidolit: 23/07/2018 18:14

    Ushqehuni shendetshem . Ushqim BIO nga PD.

    Përgjigju
  • artur: 23/07/2018 14:03

    Me falni po super ekspertet e AKU ku e kane mbaruar shkollen e larte dhe ato 3,4 mastera qe kane? A mundet AKU te shpjegoj gabimin ortografik NIESHTE? Dmth kur keta nuk dine as te shkruajne shqip, imagjinoj si e bejne punen ......

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28