Receta

Akullore me vanilje dhe çokollatë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 25 Maj 2022, 12:05 | Përditesimi: 25 Maj 2022, 12:06

Akullore me vanilje dhe çokollatë

Përbërësit:

300 gr biskota çaji
500 ml pana
400 gr qumësht i kondensuar
2 bustina vanilje
200 gr çokollatë e zezë

Përgatitja:

LEXO EDHE:
Pulë me oriz në furrë nga zonja Albana

Përizejmë panën që e kemi në frigorifer ( sepse nuk punohet e ngrohtë) e punojmë panën me rrahës elektrik shtojmë qumështin e kondensuar dhe vaniljen dhe i rrahim derisa të arrijmë rezultatin e duhur. Ndërsa në fund shtojmë cokollatën e grirë në rende ose në mikser. Poshtë tavës shtrojmë një qese membranë që anët të mbulohen, shtrojmë shtresën e biskotave, përsipër kremin dhe sërish një shtresë biskotash, e mbulojmë me qese membranë dhe anësorët që janë në qesen e membranës, mbulojmë shtresën e sipërme. E lëmë 4-5 orë në ngrirje, largojmë qesen e membranës dhe e presim në formë katrore si format që kanë biskotat.