POP 5

Lajmet më të lexuara të 5 minutave të fundit

Kronikë

Akuza e PD, Gjykata e Lartë: Ndreu
 e Ndoka të dënohen nga Kuvendi

Gjykata e Lartë ka reaguar pas akuzave ndaj saj për pushim e çështjes penale ndaj deputetëve Pjerin Ndreu e Arben Ndoka, duke sqaruar se dosja Strazimiri ku Ndreu e Ndoka u paditën se ushtruan dhunë ndaj kolegut të tyre Gent Strazimiri është një shkelje që i përket kuvendit ta zgjidh në mënyrë administrative dhe ndaj deputetëve për të njëjtën çështje nuk mund të ketë dhe proces administrativ dhe penal
Akuza e PD, Gjykata e Lartë: Ndreu<br /> e Ndoka të dënohen nga Kuvendi
Pas akuzave ndaj Gjykatës së Lartë për pushimin e çështjes ndaj deputetëve socialistw Pjerin Ndreu e Arben Ndoka, kjo gjykatë ka reaguar duke sqaruar se përse u arrit në këtë vendim pushimi. Sipas argumenteve të gjykatës kjo është një çështje administrative e parlamentit dhe nuk mund të zgjidhet gjyqësisht.

Gjykata argumenton se “Në mbështetje të paragrafit të parë të nenit 387 të Kodit të Procedurës Penale, çështja nuk duhet të fillonte për shkak se nuk bën pjesë në juridiksionin gjyqësor penal.  Përdorimi i fjalëve dhe shprehjeve fyese, si edhe kryerja e veprimeve të tjera faktike a të dhunshme nga ana e deputetëve, të cilat cenojnë veprimtarinë normale dhe autoritetin e Kuvendit, personin dhe dinjitetin e deputetit, etj., të kryera gjatë veprimtarive parlamentare dhe/ose brenda ambienteve të Kuvendit ose aty ku ai ushtron veprimtarinë e tij, përbëjnë tejkalime të lirisë parlamentare, shkelje të cilat gjykohen dhe ndëshkohen nga vetë Kuvendi.

Më tej sqaron gjykata, sipas parimit kushtetues “ne bis in idem”, nuk mund të ketë procedim dhe ndëshkim të të njëjtit subjekt dhe për të njëjtin fakt, nga organet e procedimit disiplinor të Kuvendit si shkelje disiplinore dhe nga organet e ndjekjes penale dhe gjykata penale, si vepër penale.

Kolegji penal i kryesuar nga gjyqtari Mehdi Bici vendosi këtë të martë të pushoj çështjen ndaj dy deputetëve, ndërsa pritet që brenda pak ditësh të zbardhet dhe vendimi i arsyetuar i kolegjit.
 
Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59