POP 5

Lajmet më të lexuara të 5 minutave të fundit

Bota

Akuza për falsifikim dokumentesh dhe nepotizëm, gjykata shpall të pafajshme kryebashkiaken e Romës

Prokuroria e Romës përfshiu në hetimet e saj dhe kryebashkiaken Raggi duke kërkuar 10 muaj burg për falsifikim aktesh publike në emërimin e këtij posti të rëndësishëm në administratën e Romës.

Akuza për falsifikim dokumentesh dhe nepotizëm, gjykata shpall të pafajshme kryebashkiaken e Romës

Virginia Raggi, kryebashkiake e Romës

Virginia Raggi, kryetare e bashkisë së Romës është shpallur e pafajshme nga Gjykata në seancën e zhvilluar këtë të shtunë në kryeqytetin Italian. Raggi akuzohej për falsifikim të akteve publike në procesin hetimor kundër shefit të kabinetit të saj, Raffaelle Marra, i akuzuar për abuzim detyre duke emëruar vëllain e tij në postin e Drejtorit të Departamentit për Turizmin në Bashkinë e Romës. Prokuroria e Romës përfshiu në hetimet e saj dhe kryebashkiaken Raggi duke kërkuar 10 muaj burg për falsifikim aktesh publike në emërimin e këtij posti të rëndësishëm në administratën e Romës. Vetë kryebashkiakja ka qenë e pranishme në procesin gjyqësor në ngarkim të saj, ku është dhënë vendimi se "falsifikimi për të cilin akuzohet Virgjinia Raggi nuk përbën krim." Nuk është ndalur të komentojë titullarja e institucionit të bashkisë së Romës pas këtij procesi.

"Vendimi i sotëm hedh poshtë dy vite baltë që janë hedhur ndaj meje", ishte komenti i parë i kryebashkiakes Raggi, e cila shtoi se do eci përpara me kokën lart në Romë, në këtë qytet të dashur për të e për banorët e tij. Kam bërë gjithçka me korrektësi e transparencë, tha ajo, e në të mirë të qytetit. Besoj në punën time e në impenjimin konstant ndaj një projekti të nisur më 2016 kur m'u besua drejtimi i qytetit që adhuroj."

Ndaj vendimit të gjykatës së Romës është shprehur i kënaqur dhe zëvëndëskryeminstri e lideri i 5 Yjeve Luigi Di Maio, i cili në një postim në facebook shkruan: "Forca Virginia. I kënaqur se të kam mbrojtur e të kam besuar gjithmonë."

Gjithashtu dhe aleati qeverisës i 5 Yjeve, Matteo Salvini, ka komentuar se "pafajësia e kryetares së bashkisë së Romës, Virgjinia Raggi është një lajm i mirë. Është e drejtë që qytetarët të gjykojnë administrimin e qytetit në bazë të cilësisë së jetës e jo të hetimeve boshe si rezultuan në këtë rast."

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Ardi Stefa: Koalicionet e opozitës, si fabula demokratike

Ardi Stefa: Koalicionet e opozitës, si fabula demokratike

29 Janar, 20:42 nga Ardi Stefa