Akuza për vrasje, trafik droge dhe prostitucion, si u arrestua shqiptari 25 identitete në Holandë

Akuza për vrasje, trafik droge dhe prostitucion, si u arrestua shqiptari 25 identitete në Holandë

Xhevdet Plaku

HOLANDË- Një 33-vjeçar shqiptar i identifikuar si Xhevdet Plaku i shpallur në kërkim që prej 22 shkurtit është arrestuar nga policia holandeze. Shqiptari me nofkën “Akili” përdorte edhe 25 identitete të ndryshme gjatë kohës kur udhëtonte nga Amsterdami.

“Akili” njihet si kreu i një grupi të trafikut ndërkombëtar të drogës, të cilën e drejtonte nga Amsterdami dhe pakove iu vinte emra sipas cilësisë së mallit që kishte brenda. Zakonisht emra të markave të shtrenjtave të drogës duke nënkuptuar cilësinë e lartë të saj.

“Hermes” ishte kokaina më e pastër e më pas vinin ‘Lacoste’, ‘G4’, ‘Rolls Royce’ e ‘Playboy’.  Përveç shqiptarit, në pranga kanë përfunduar edhe 56 persona të tjerë, anëtarë të tre bandave të tjera por që ishin të lidhura së bashku dhe që shef kishin Xhevdet Plakun.

Plaku ishte ekstraduar nga Shqipëria më 10 janar për shkak se dyshohej se ishte autori i vrasjes së bashkëkombësit Saimir Sina më 11 qershor të vitit 2004. Atë kohë prita u cilësua si një larje hesapesh mes bandave shqiptare për kontrollin e prostitutave që punonin përgjatë zonës së Aurelitës.

Pas proceseve gjyqësore, më 22 shkurt 2013 Plaku u lirua për mungesë provash. Pas një dyshimi se Plaku ndodhej në Holandë, Gjykata e Savonës lëshoi një ​​urdhërarresti më 22 mars dhe për këtë arsye u krijua një bashkëpunim i ngushtë me Interpol dhe Eurojust (Njësia Evropiane e Bashkëpunimit Gjyqësor).

Më 15 prill, policia italiane njoftoi atë holandeze për vendndodhjen e Plakut dhe pas një prite të ngritur në aeroport arritën që ta kapin shqiptarin. Plaku përveç dënimit në Itali, do të duhet të kryejë 22 vjet burg për vrasje edhe në Shqipëri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Fredi Beleri bën rekurs në Gjykatën e Lartë, pak ditë para vendimit të Apelit

Fredi Beleri bën rekurs në Gjykatën e Lartë, pak ditë para vendimit të Apelit