Akuzat e çuditshme të PD-së: Në Shkodër policia nuk veproi kundër demostruesve, në Tiranë e teproi

Dy ditë më parë kryetarja e bashkisë së Shkodrës Voltana Ademi, paraqiti një kallzim në drejtorinë e policisë me akuzën se policia nuk ndërhyri kundër demonstruesve dhe për këtë arsye nuk i parandaloi demonstruesit të sulmonin dhe t'i vinin zjarrin selisë së partisë socialiste. Një mënyrë për të thënë që faji për sulmin ndaj selisë socialiste ishin vetë socialistët. Voltana ndoqi të njëjtën logjikë të Sali Berishës, i cili më 21 janar teorizoi se protestues të opozitës kishin vrarë 4 protestuesit e opozitës. 
 
Sot e njëjta Parti Demokratike të cilës i përket Voltana Ademi, paraqiti një kallzim të dytë në Tiranë por duke akuzuar policinë për ndërhyrje kundër demonstruesve. Pra sipas logjikës së hekurt të partisë pretendente për të qeverisur vendin, policia në Shkodër veproi pak, ndërsa në Tiranë veproi shumë. Në çdo rast, faji nuk është te demonstruesit që shkatërrojnë pronën publike, por te policia që bën gabime nëse nuk i ndalon, por bën gabime edhe kur i ndalon. (c.bo) 

/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

Një javë pas zotimit ndaj agresionit rus në Ukrainë, Ministria e Jashtme kanadeze preket nga sulmi kibernetik