POP 5

Lajmet më të lexuara të 5 minutave të fundit

Politikë

Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori

Opozita po e kundërshton vendimin e qeverisë për të mbyllur Tik-Tokun, duke akuzuar Ramën se po e bën këtë për qëllime elektorale. Por një monitorim i kësaj platforme, tregon se Rama mban rekond në ndjekës, ndërsa figurat e PD-së, janë shumë më dobët se socialistët, por njëherësh parakalohen edhe nga opozitarët e rinj, si Qori, Lapaj dhe Shehaj.

“Edi Rama po e mbyll Tik-Tokun, për të vrarë zërin opozitar përpara zgjedhjeve”. Me këto akuza, opozita u pozicionua kundër vendimit të qeverisë, për të mbyllur platformën online.

Një monitorim në këtë rrjet social, tregon se mbështetja e figurave opozitare në Tik-Tok, është më e ulët se sa ajo e socialistëve. Ata që e përdorin këtë platformë, kuptojnë se fuqia e këtij rrjeti nuk është numri i ndjekësve, por numri i pëlqimeve të grumbulluara në postimet totale.

Edi Rama e dominon edhe këtë skenë, duke kryesuar më 2 milionë pëlqime. I dyti pas tij nuk është Sali Berisha, por Arlind Qori. Drejtuesi i Lëvizjes “Bashkë”, ka 1 milionë pëlqime, ndërsa lideri demokrat, i afrohet në vend të tretë me 989 mijë likes.

Afër me Sali Berishën, lider opozite, është një deputet i vetëm, i ndarë prej tij. Agron Shehaj. Kreu i “Mundësisë” kap 834 mijë pëlqime.

I 5-ti në radhë është kryebashkiaku i Tiranës, Erion Veliaj me 761 mijë pëlqime, ndërsa ish rivali i tij demokrat për bashkinë, Belind Këlliçi ka thuajse gjysmën e mbështetjes së Veliajt, me 420 mijë mbështetës.

Adriatik Lapaj i nismës “Shqipëria Bëhet”, është në kuotat e 344 mijë pëlqimeve, ose 1/3 e Berishës apo Ramës, e megjithëkëtë, ai është shumë më i fuqishëm se figura të tjera të partive të mëdha, si Taulant Balla, apo Ina Zhupa.

Një nga figurat kryesore të PD-së, Gazment Bardhi është fare i ri në platformë, sepse ai hyri në Tik-Tok, ditën që Rama njoftoi mbylljen e platformës. 

Sa u takon profileve zyrtare të dy partive politike më të mëdha, duket qartë se demokratët e kanë marrë më seriozisht Tik-Tok.  Partia Demokratike ka grumbulluar 205 mijë klikime, ndërsa Partia Socialiste vetëm 83 mijë.

Megjithëkëtë, numri i pëlqimeve në Tik-Tok nuk është treguesi i vetëm se kush e dominon narrativën në këtë rrjet social. Tik Tok ende nuk ka filtra si Facebook apo Youtube, që mund të modifikojnë shpërndarjen e një materiali krahasimisht me një tjetër. Kjo veçanti e këtij algoritmi, për sa kohë nuk njeh kufi, është sa liri, aq edhe rrezik.

MBËSHTETJA E POLITIKANËVE NË TIK-TOK
Edi Rama 2 M
Arlind Qori 1 M
Sali Berisha 989.3 K
Agron Shehaj 834.2 K
Erion Veliaj 761.3 K
Belind Këlliçi 420 K
Adriatik Lapaj 344.7 K
Ina Zhupa 104.6 K
Taulant Balla 102.5 K
Gazment Bardhi 69
Partia Demokratike 205.2 K
Partia Socialiste 83 K

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nardi: 26/12/2024 06:50

    Alogaritmi krijon vartesi???? No comment.

    Përgjigju
  • Zilo: 24/12/2024 20:28

    Ku e fitoi garën? Në tik tok?

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

1.5 milionë të huaj më shumë se 2023-shi! Sa vizitorë pati Shqipëria 1 vit më parë?

1.5 milionë të huaj më shumë se 2023-shi! Sa vizitorë pati Shqipëria 1 vit më parë?

24 Janar, 15:33 nga Eliza Gjediku