Akuzat e PD për kokainën, Rama 
"Të luajnë vetë lojën e budallallëkut"

TIRANË - Kryeministri Rama ka reaguar përmes rrjetit social “Facebook” pas akuzave të PD për grupin e kokainës, duke theksuar se “Kjo e tyrja është një lojë që duhen lënë ta luajnë vetë, sepse sa më shumë të përpiqesh të gjesh arsye në budallallëkun e tyre të vrazhdë, aq më shumë rrezikon të mbytesh në lumin e neveritshëm të atij budallallëku.”
 
Por nuk ka vonuar edhe reagimi i kreut të opozitës, Lulzim Basha, po përmes rrjetit social “Facebook” duke mos e cilësuar si përgjigje statusin e Ramës, por si justifikim prej Kryenastradini 

 Statusi i plotë i kryeministrit Rama në rrjetin social “Facebook”
“I qëndrova sa më mirë munda budallallëkut dhe vrazhdësisë së tyre të neveritshme, por nuk i’a dola dot asnjëherë t’i mund në lojën e tyre”, thotë një shprehje e mençur, e cila m’u kujtua duke i dëgjuar këto ditë të thonë, po pse nuk flet qeveria për tonelatat e kokainës që u kapën në Elbasan(?)!.
 
Kjo e tyrja është një lojë që duhen lënë ta luajnë vetë, sepse sa më shumë të përpiqesh të gjesh arsye në budallallëkun e tyre të vrazhdë, aq më shumë rrezikon të mbytesh në lumin e neveritshëm të atij budallallëku.


 Statusi i plotë i kreut të PD, lulzim Basha në rrjetin social “Facebook”
Asnjë pergjigje por justifikime prej kryenastradini. Kur jeton mes droges, mashtrimit dhe shkaterrimit eshte e veshtire te kuptosh zerin e normalitetit, zerin e opozites, zerin e Shqiperise se vlerave dhe te vertetave.



Redaksia Online
(a.h/shqiptarja.com)