POP 5

Lajmet më të lexuara të 5 minutave të fundit

Politikë

Akuzat e PD se asnjë prej 522 apartamenteve të rindërtuara në Laç nuk i janë kthyer banorëve, kryebashkiakja e Kurbinit sqaron: Po respektojmë procedurat ligjore

Akuzave të Partisë Demokratike për mashtrim, lidhur me apartamentet e ndërtuara nga Turqia të për 522 familje në Laç, kryetarja e Bashkisë së Kurbinit Majlinda Cara i është përgjigjur me dokumente dhe ka sqaruar procedurat ligjore. Ajo tha se më 9 shkurt Qeveria pritet t'ia kalojë 522 banesat Bashkisë së Kurbinit. 

Akuzat e PD se asnjë prej 522 apartamenteve të rindërtuara në Laç nuk i janë kthyer banorëve, kryebashkiakja e Kurbinit sqaron: Po respektojmë procedurat ligjore

Prerja e shiritit për përfundimin e banesave në Laç

Akuzave të Partisë Demokratike për mashtrim, lidhur me apartamentet e ndërtuara nga Turqia të për 522 familje në Laç, kryetarja e Bashkisë së Kurbinit Majlinda Cara i është përgjigjur me dokumente dhe ka sqaruar procedurat ligjore.

2 ditë më parë deputetja e PD Zhupa tha se në ato shtëpi nuk është futur asnjë familje dhe e cilësoi si “show” ceremoninë në të  cilën ishte i pranishëm Rama dhe Erdogan, por për znj. Cara kjo ka ardhur për shkak të procedurave që duhet të kalojnë fillimisht në Këshillin e Ministrave. Sipas saj më 9 shkurt pritet që Qeveria të kalojë banesat në pronësi të bashkisë dhe vetëm atëherë Bashkia ka mundësi t'i shpërndajë. 

Presidenti turk, Recep Tayyip Erdogan zhvilloi më 17 janar një vizitë 1-ditore në vendin tonë. Ai  e nisi vizitën me ceremoninë e dorëzimit të çelësave të shtëpive banorëve të prekur nga tërmeti i 26 nëntorit. Një lagje e re me 522 banesa  që kushtuan 42 mln euro, të financuara nga Turqia, e që për Erdogan shërbejnë për të forcuar më tej marrëdhëniet mes dy palëve. Ai u nderua me titullin “Qytetar Nderi i Kurbinit” e ndërsa një shesh në Laç do të mbajë emrin e tij.

Sqarim i plotë i kryebashkiakes

Marrë shkas nga shqetësimi i disa qytetarëve që janë përfitues të apartamenteve në kuadër të procesit të rindërtimit të zonës 1/1 për zhvillim, në Laç, në lidhje me vonesën e dorëzimit të çelësave të apartamenteve të përfituara prej tyre, sqaroj si më poshtë:

Pas marrjes në dorëzim të lagjes së re dhe inventarizimit të të gjithë pronës nga donatori (TOKI-Qeveria Turke) tek Enti Kombëtar i Banesave, i cili është njësi zbatuese për këtë zonë sipas VKM nr. 46, datë 22.01.2020, ky i fundit ka dorëzuar në Komisionin Shtetëror të Rindërtimit gjithë dokumentacionin përkatës dhe më pas ky Komision ka marrë Vendimin nr. 99, datë 04.02.2022, me të cilin i kërkon Këshillit të Ministrave kalimin në pronësi të gjithë apartamenteve Bashkisë Kurbin. Për këtë çështje, ditën e mërkurë, datë 9 shkurt 2022, Këshilli i Ministrave merr vendim për kalimin e të drejtave mbi këtë pronë tek Bashkia Kurbin. Vetëm pas daljes së këtij vendimi, Bashkia Kurbin bën dorëzimin e çelësave të apartamenteve tek banorët përfitues sipas listave të dala nga shorti publik për shpërndarjen e këtyre apartamenteve dhe kryen të gjitha procedurat administrative për hartimin e kontratës së dhurimit, ku çdo qytetar do të marrë certifikatën e pronësisë në emër të tij dhe do të ketë mundësinë ta trashëgojë atë pronë brez pas brezi.

Duke e mirëkuptuar padurimin tuaj për t’u rikthyer në ato apartamente aq të bukura dhe aq komode, sqaroj gjithsecilin prej jush se ndjekja me përpikmëri e procedurave administrative, të cilat marrin kohën e tyre, është në të mirë të të gjithë palëve të përfshira në këtë proces. Kam qenë në çdo moment deri më tani e do të jem gjithmonë krah çdo bashkëqytetari, por gjithësecili prej jush duhet të kuptojë se i gjithë ky proces ka qenë i jashtëzakonshëm, i panjohur më parë për të gjithë ne, dhe çdo gjë bëhet në të mirë të qytetarëve dhe përfitimit të pronës prej tyre sipas çdo rregulli e ligji të Republikës së Shqipërisë.

Dokumentet e publikuara nga kryebashkiakja e Kurbinit, Majlinda Cara

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 06/02/2022 15:14

    Atehere respektoni rregullat dhe per prerjen e shiritave , e beni kur te futen njerzit brenda dhe mos mashtroni kot ndyresira

    Përgjigju
  • Arbërori: 06/02/2022 14:34

    Banesa të ndertuara nga turkoshkjau për të ardhurit nga serbia…

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46