POP 5

Lajmet më të lexuara të 5 minutave të fundit

Politikë

Akuzat ndaj Valdrin Pjetrit/ Rudina Hajdari: Problemi nuk është tek individi por tek sistemi ynë politik

Deputetja e opozitës parlamentare Rudina Hajdari ka reaguar lidhur me çështjen e Valdrin Pjetrit. Hajdari shkruan se kjo vërteton se sa i korruptuar dhe i dështuar është sistemi ynë politik.Ajo shkruan se kur një individ me të shkuar kriminale vendoset si përfaqësues i PS për të marrë postin e kryetarit të bashkisë, problemi është tek liderët partiakë që promovojnë figura të tilla.

Akuzat ndaj Valdrin Pjetrit/ Rudina Hajdari: Problemi nuk është tek individi por tek sistemi ynë politik

Rudina Hajdari dhe Valdrin Pjetri

Deputetja e opozitës parlamentare Rudina Hajdari ka reaguar lidhur me çështjen e Valdrin Pjetrit dhe akuzat ndaj tij për dënimin në Itali. Hajdari shkruan se kjo vërteton se sa i korruptuar dhe i dështuar është sistemi ynë politik.Ajo shkruan se kur një individ me të shkuar kriminale vendoset si përfaqësues i PS për të marrë postin e kryetarit të bashkisë, problemi është tek liderët partiakë që promovojnë figura të tilla.

"Çështja e Valdrin Pjetrit vërteton për të disatën herë se sa i korruptuar dhe i dështuar është sistemi ynë politik.

Një individ me të kaluar kriminale vendoset si përfaqësues i Partisë Socialiste për të marrë postin e Kryetarit të Bashkisë në qytetin e Shkodrës. Problemi nuk qëndron tek individi, sa tek liderat partiakë që promovojnë figura të pista në pozicione të larta drejtuese apo sistemi i kalbur politik që lejon pseudo-liderat partiakë të tallen me qytetarët shqiptarë.

Ajo që është akoma dhe më shqetësuese është se nuk ekziston një alternativë për qytetarët, një figurë politike që t’i besojnë, pasi fatkeqësisht u është mbushur mendja se të gjithë janë njësoj. Kanë humbur besimin tek kjo kastë politike që sheh vetëm interesin personal, duke e lënë në harresë interesin publik. Qytetarët shqiptarë janë të distancuar komplet dhe nuk reagojnë edhe kur ndodhin ngjarje të tilla absolutisht të papranueshme, për një vend që aspiron futjen në BE, pasi u ka vdekur shpresa.

E vetmja zgjidhje është ndryshimi i këtij sistemi politik e zgjedhor që po fundos Shqipërinë përditë e më shumë. Opozita Parlamentare do të vijojë luftën kundër këtij sistemi akoma dhe më e vendosur me Reformën Zgjedhore, në mënyrë që shqiptarëve t’u jepet mundësia të jenë të përfaqësuar nga individë me figurë të pastër, si nga ana ligjore ashtu edhe nga ana etike", shkruan Hajdari.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça