POP 5

Lajmet më të lexuara të 5 minutave të fundit

Kronikë

Akuzat për pasurinë, dhëndri i
Berishës padit deputetin Balla

Dhëndri i Kryeministrit Berisha, Jamarbër Malltezi, ka paditur deputetin socialist Taulant Balla për shpifje. Ai kërkon një dëmshpërblim prej 2 milionë lekë të rejaBalla: S'ma mbyllin dot gojën me gjyqeReagimi i fëmijëve të kryeministrit: Pasuria jonë është e ligjshme / Balla: Berisha më kërcënon familjen por unë do të flas / ILDKP: Po verifikojmë / Balla: Argita, mësuesja më e paguar në Europë Balla: Argita paguhet sa zv/presidenti amerikan Balla: Berisha shkel ligjin, nuk deklaroi burimin e 10 mln lekëve
TIRANE - Dhëndri i Kryeministrit Berisha, Jamarbër Malltezi, ka paditur deputetin socialist Taulant Balla për shpifje, lidhur me akuzat që ky i fundit ka hedhur edhe ndaj dy fëmijëve të Kryeministrit Berisha për pasuri të paligjshme. Padia e cila është dorëzuar më 21 dhjetor në Gjykatën e Shkallës së Parë do të shqyrtohet nga gjyqtari Agim Bendo.

Përmes kësaj padie dhëndri i Kryeministrit kërkon një dëmshpërblim prej 2 milionë lekë të reja.

Padia mban numrin 20704 ndërsa paditës listohet vetëm emri i Jamarbër Malltezit. Dy fëmijët e Kryeministrit Argita Malltezi dhe Shkëlzen Berisha të cilët gjithashtu janë akuzuar nga deputeti Balla për pasurinë e tyre, nuk e kanë paditur këtë fakt.

Në faqen zyrtare të Gjykatës shkruhet se padija është e llojit: “Objekti: Detyrim i te paditurit Taulant Balla t’i shpërblejë paditësit Jamarber Malltezi dëmin jopasuror në shumën 2.000.000 (dy milion) lekë”.

Vetëm dy ditë më parë fëmijët e Kryeministrit Argita Malltezi dhe Shkëlzen Berisha reaguan lidhur me këto akuza duke deklaruar se pasuria e tyre është e ligjshme ndërsa theksuan se do ta çonin çështjen në gjykatë.



Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21