POP 5

Lajmet më të lexuara të 5 minutave të fundit

Politikë

Akuzat për shpifje, fëmijët
e Berishës: Tahiri të mos fshihet

Fëmijët e Kryeministrit Sali Berisha ftojnë deputetin socialist Saimir Tahiri që të mos fshihet dhe “të ketë kurajo” të përballet me ligjin.
Akuzat për shpifje, fëmijët <br />e Berishës: Tahiri të mos fshihet
TIRANE – Fëmijët e Kryeministrit Sali Berisha ftojnë deputetin socialist Saimir Tahiri që të mos fshihet dhe “të ketë kurajo” të përballet me ligjin. Përmes një deklarate për shtyp, Sokol Barçi, avokat i Argita Malltezit dhe Shkëlqen Berishës, njoftoi se sot “për të tretën herë rradhazi deputeti Saimir Tahiri nuk u paraqit në Gjykatën e Rrethit Gjyqësor Tiranë, në procesin e hapur nga” klientët e tij “për shpifjet e bëra nga Tahiri në adresë të tyre”.

Sipas avokatit, deputeti socialist po përpiqet që t’i shmanget ligjit. “Me justifikime qesharake Tahiri për të tretën herë rradhazi i fshihet përballjes me ligjin duke u përpjekur t’i bishtnojë shpifjeve të veta”.

“E ftojmë deputetin Tahiri të mos fshihet, por të respektojë gjykatat dhe sistemin e drejtësisë të vendit, të ketë kurajë të vijë në sallat e gjyqit, të përballet me ligjin njëlloj si gjithë qytetarët e këtij vendi dhe të provojë akuzat që ka bërë”, përfundon deklarata për shtyp e avokatit të fëmijëve të Kryeministrit.

Deputeti socialist i ka akuzuar ata për korrupsion dhe për këtë është paditur. Në procesin në fjalë, Argita Malltezi dhe Shkëlzen Berisha kërkojnë një dëmshpërblim për shpifje prej 4 milionë lekësh secili.

(im/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça