POP 5

Lajmet më të lexuara të 5 minutave të fundit

Kronikë

Trafikim të të miturve e pornografi, ndryshon akuza ndaj kardio-kirurgut Dervish Hasi! Gjykata e lë në burg, 16-vjeçares i drejtohet si ‘gruaja ime’

Gjykata e Tiranës la në burg mjekun Dervish Hasi me akuzat “trafikimit i të miturve” dhe “pornografia”, i cili për 2 vite mbajti një të mitur si gruan e tij të katërt. Në gjykatë ai iu referua 16-vjeçares si “gruaja ime” dhe mohoi akuzat. Sipas tij, me të miturën kurrë nuk ka kryer trafikim apo pornografi por tha se kishte kërkuar ne gjykatë autorizim për t’u martuar me të

Mjeku kardiokirurg i Sanatoriumit, Dervish Hasi, i cili akuzohet se mbajti për rreth 2 vjet një të mitur 16 vjeçe si gruan e tij të katërt, do të qëndrojë në burg pa afat nën akuzën e “trafikimit të të miturve” dhe “pornografisë”, duke rënë në këtë mënyrë vepra penale fillestare me të cilën u referua materiali në prokurori, ajo e “prostitucionit”.

Veprat penale janë në përputhje me provat që akuza ka mundur të administrojë, nisur nga komunikimet dhe videot e gjetura në celularin e Hasit. Prokuroria në ngarkim të tij nuk ka mundur të ngrejë akuzën e “marrëdhënieve seksuale me të mitur” pasi në kohën që janë njohur e mitura kishte kaluar pragun 14 vjeç që e kap kjo vepër penale. Në një seancë me dyer të mbyllura në Gjykatën Penale të Tiranës, 42-vjeçari iu referua të miturës sërish me termin “gruaja ime”, duke mohuar akuzat që rëndojnë në drejtim të tij.

‘Asnjëherë në jetën time nuk kam bërë ndonjëherë trafikim apo pornografi me gruan time. Nëse i kam bërë atëherë jam dakord që të qëndroj në burg.’- tha Hasi.

Përpara gjyqtares Marinela Osmani dhe prokurores Alma Felaj, Dervish Hasi pretendoi se më herët ka bërë kërkesë në gjykatë për autorizim për martesë me të miturën, por nuk i ishte dhënë. Sipas tij, ligji parashikon që pas moshës 16-vjeçare të kërkohet autorizim kur pretendohet për lidhje martese, e cila në raste të veçanta mund të kryhet duke analizuar rrethanat.

Megjithatë, habia në këtë rast qëndron pasi zyrtarisht Dervish Hasi është i martuar ligjërisht me një grua, me të cilën ka lidhur kurorë vite më parë dhe ka 3 fëmijë, ndërsa 2 gratë e tij të tjera nuk i ka me dokumente pasi nuk e lejon ligji, me të cilat ka edhe 4 fëmijë të tjerë, 7 në total. Tri gratë e tij nuk e ndihmuan aspak hetuesit për ngjarjen, ndërsa vetë vajza e mitur u tha se nuk e kishte detyruar Hasi, edhe pse dyshohet se ai e ka indoktrinuar. Prokuroria e Tiranës pritet të hetojë në vijim çdo lidhje të dibranit Hasi me rryma të devijuara fetare, në të cilat mund të ketë qenë pjesë dhe që rast si ky të jetë kthyer në fenomen.

Rendit zhvillimet sipas orarit:
Ora 15:59
Dëshmia e mjekut Dervish Hasi: Asnjëherë s’kam bërë trafikim e pornografi me gruan time! Kam kërkuar autorizim për të lidhur martesë

1705762856_1705590169dervishhasi.jpg

“Asnjëherë s’kam bërë trafikim e pornografi me gruan time”.

Kështu ka thënë para gjykatës mjeku kardiokirurg i Sanatoriumit, Dervish Hasi, i cili akuzohet se mbajti për rreth 2 vjet një të mitur 16 vjeçe si gruan e tij të katërt.

Ndër të tjera në dëshminë e tij ka shtuar se i ka kërkuar gjykatës autorizim për të lidhur martesë me vajzën.

“I kërkova gjykatës autorizim për të lidhur martesë”, shtoi ai mëson Report Tv.

B.K/Shqiptarja.com

M.Q./B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35