Akuzohet se përdori një regjistrim pa lejen e autorit në hitin “Levitating”, Dua Lipa paditet sërish! Muzikanti mund t’i marrë 20 mln dollarë

Akuzohet se përdori një regjistrim pa lejen e autorit në hitin “Levitating”, Dua Lipa paditet sërish! Muzikanti mund t’i marrë 20 mln dollarë

Dua Lipa

Këngëtarja shqiptare me famë botërore, Dua Lipa po përballet me një tjetër padi për plagjaturë në hitin e saj “Levitating”. Muzikanti Bosko Kante pretendon se artisja i përdori regjistrimin pa leje.

Azuka të reja kundër këngetares janë ngritur nga muzikanti Bosko Kante, i cili pretendon se ylli shqiptar dhe shtëpia e saj diskografike, Ëarner Music Group nuk morën kurrë lejen e tij për të përfshirë regjistrimin e tij “talk box” në remikset e këngës së saj “Levitating”.

Kante krijoi “ElectroSpit Talk Box”, një pajisje e veshur rreth qafës dhe e lidhur me një telefon ose sintetizues që mund të bëjë që dridhjet vokale të përdoruesit të tingëllojnë si instrumente muzikore. Faqja e internetit e Kante tha se ai ka luajtur Talk Box në këngë nga muzikantë duke përfshirë reperët: Kanye West, Big Boi dhe J. Cole.

Sipas tij përdorimi i një regjistrimi të tillë, në tri remikse të këngës hit të Dua Lipës cënonte të drejtën e tij të autorit.

Kante tha se ata ranë dakord verbalisht për një licencë që përcaktonte se regjistrimi i tij do të shfaqej vetëm në këngën origjinale dhe nuk mund të provohej ose ripërdorej.

Nuk është hera e parë që këngëtarja Dua Lipa përballet me akuza të tilla, më parë ajo është paditur dy herë për plagjaturë.

Një ankesë gjyqësore nga grupi i zhanrit reggae. Artikal Sound System u hodh poshtë në qershor dhe një proces gjyqësor i veçantë nga kompozitorët Sandy Linzer dhe L. Russell Broën është në vazhdim.

Padia e ngritur të hënën tha se Kante ka të drejtë për më shumë se 20 milionë dollarë fitime nga muzika e përdorur pa leje.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Nga se shkaktohet paraliza e gjumit dhe çfarë ndodh gjatë saj

Nga se shkaktohet paraliza e gjumit dhe çfarë ndodh gjatë saj