GJKKO ka rrëzuar kërkesën e ish-ministër i Mjedisit, Lefter Koka për zbutjen e masës së sigurisë nga "arrest me burg" në "arrest shtëpie". Koka është pas hekurave pasi hetuesit kanë arritur të faktojnë nga provat e deritanishme se përfitoi 1.2 milionë euro për inceneratorin e Fierit.
Për çështjen e inceneratorëve ishte në burg edhe ish Sekretari i Përgjithshëm i Ministrisë së Mjedisit, Alqi Bllako, por u la në "arrest shtëpie" dhe do të ndjekë hetimet nga shtëpia. Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.
Lefter Koka akuzohet për “Shpërdorim të detyrës”, në bashkëpunim, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)