Al Jazeera lancon
një kanal për Ballknanin

Rrejti i lajmeve arab është duke lancuar një kanal televiziv mbi zonën e Ballkanit.

Shërbimi i ri televiziv i rrjetit prestigjioz Al Jazeera do ketë qendrën e saj në kryeqytetin e Bosnje Hercegovines, Sarajevë, por zyrat do jenë në Serbi, Kroaci dhe Maqedoni.

Zyrtarët e Al Jazeera thanë se dëshiruan të ofrojnë një informacion sa më “objektive” dhe “profesionale” për rajonin.

Rrjeti tjetër i famshëm BBC, gjatë këtij viti mbylli shërbimin e tij radio në Shqipëri, Serbi dhe Maqedoni, për të kursyer para.

Al Jazeera do transmetojë në gjuhën e përbashkët të folur në Serbi, Croaci, Bosnje Hercegovinë dhe Mali i Zi, që më mirë njihet si Serbo-Kroatishte.

“Kemi muaj të tërë që trajnojmë për të arritur standartet e Al Jazeera,” tha drejtori i menaxhimit Tarik Djodjic.

Analistët thonë se disa media lokale kanë luajtur një rol kyc në ushqimin e luftrave të viteve 90 në vendet e ish-Jugosllavisë dhe ende kanë një mentalitet të ngushtë dhe jo largpamës.

“Lufta filloi me mediat dhe mediat dhe mediat vazhdojnë ti ushqejnë ato,” tha Tanja Topic, një analiste politike boshnjake. “Tani Al Jazeera po hynë në hapsirën mediatike të Ballkanit me seriozitetin dhe profesionalitetin e saj. Kjo mund të jetë një sfidë e madhe për të tjerët, të cilët do detyrohen të tregohen pak më të përgjegjshëm ndaj publikut”.