POP 5

Lajmet më të lexuara të 5 minutave të fundit

Kronikë

Alarmi/ Në 3 muaj 103 raste për ngacmim seksual në Prokurori, burrat sms motrave të të dashurave

Rritet numri i denoncimeve në polici dhe referimeve në Prokurori për ngacmime seksuale. Vetëm në tre muaj janë referuar 103 raste. Policia: Ngacmimet fenomen për shkak të rrjeteve sociale

TIRANË-  Një mesazh në “Facebook” për fëmijën e mitur ose për një vajzë të re mund të jetë indicie për një rast të ngacmimit seksual. Kështu thotë Policia e Shtetit, e cila në 3 muajt e fundit ka marrë 103 denoncime për ngacmime seksuale.

Kryesisht janë burra dhe të moshuar që ngacmojnë vajzat e reja, të cilat në disa raste përfundojnë edhe në përndjekje nga vendi i punës, tek shtëpia. Nuk mungojnë edhe ngacmimet ndaj të miturve, që fillimisht nisin me blerjen e disa dhuratave dhe më pas këta persona, kërkojnë edhe favore seksuale. 

Ngacmimi seksual është kthyer në një fenomen shqetësues për shkak të rrjeteve sociale. Sipas të dhënave të Policië të ashtuquajturit “Maniak Seksual” fiksohen pas vajzave ose grave, në disa raste edhe ndaj ish partnereve. Ata zgjedhin t’i shkurajnë sms në çdo orar të ditës. Ka edhe raste kur kërkohen favore seksuale duke kërcënuar gratë se nëse nuk pranojnë do t’ju publikojnë fotot nudo.

Sipas denoncimeve të muajve të fundit, burrat kanë ngacmuar edhe motrat e të dashurave të tyre, duke u çuar atyre shpesh sms me përmbajtje seksuale. Policia këshillon prindërit që të kontrollojnë bisedat që fëmijët e tyre bëjnë në rrjetet sociale dhe të mos lejojnë që ata të miqësohen me persona të panjohur. 

Pas rrjeteve sociale shpesh qëndrojnë persona me emra dhe foto të rremë, çka e bën edhe më të vështirë identifikimin e tyre, ndërsa për ngacmimet nëpërmjet mesazheve telefonike, Policia thotë se ka zbuluar më shumë se 50 persona dhe dosjet për ta i ka çuar në prokurori.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56