Alarmi për shitjen e drogës afër shkollave, Malaj: ‘Tempulli’ hapi petët e lakrorit! Softa: Shpërndarësit veprojnë me zona influence

 

Nora Malaj, pedagoge dhe ish zv/ ministre e Arsimit përgëzon operacionin e policisë të koduar “Tempulli” ndërsa vë në dukje se shoqërisë iu vu përpara syve kjo problematikë shqetësuese.

“Aksioni hapi petët e lakrorit dhe na tregoi disa të vërteta që duhet ti pranojmë” thotë Malaj që iu bashkangjit diskutimit në studion e emisionit “Përballje’ në Report Tv përmes lidhjes me skype.

LEXO EDHE:
'Ishin groposur brenda në fuçi' Gazetarja Banushi zbulon se ku ishin fshehur 3 mln euro cash që sekuestroi SPAK

Ndërkohë eksperti i sigurisë, Fatjon Softa tregon si veprojnë grupet e shpërndarësve të drogave.

 “Janë mbi 4 mijë persona që merren me shpërndarjen e drogës. Të gjitha janë ndarë me zona influence, ashtu si dhe lypësit. Veprohet me zona influence“, tha ai.

 

Ish zv/ministrja Malaj e quan lajm të mirë që duhet duartrokitur fakti që ministria e Brendshme dhe Ministria e Arsimit ndërmorën një marrëveshje të përbashkët për të forcuar sigurimin e ambienteve të shkollave

Lajmi i mirë është dhe që kemi një koordinim jashtëzakonisht të mrië të prokurorisë, policisë dhe institucioneve që duan ti hyjnë në themel këtij problemi. Duhet përshëndetur puna e të gjithë institucioneve” vijon më tej Nora Malaj.

Lajmi kryesor:

Megaoperacioni 'Tempulli' nuk ndalet'/ Drejtori i Policisë së Elbasanit garanton: Do të ketë arrestuar të tjerë! Ka shumë të evidentuar

SI.E./KT/Shqiptarja.com