Një dështim në rrjetin ‘Cloud’- të Microsoft-it po shkakton probleme për aeroportet dhe sistemet e IT bankare në mbarë botën. Problemet kanë ndodhur rreth orës dy të mëngjesit.
Në Shqipëri, sistemet e Bankës së Shqipërisë janë tërësisht funksionale, mëson Shqiptarja.com. Edhe nga konfirmimet e bankave aktiviteti i tyre vazhdon normalisht.
Ndërsa Aeroporti Ndërkombëtar i Tiranës (TIA) konfirmon se sistemet e tij kanë mbetur plotësisht funksionale dhe të paprekura nga kriza e fundit e sistemeve kompjuterike në mbarë botën.
'Për shkak të ndërprerjeve në aeroportet e vendeve të tjera të prekura, mund të ketë ndryshime në oraret e fluturimeve si për mbërritjet ashtu edhe për nisjet në TIA. Këshillohet që të gjithë pasagjerët të verifikojnë oraret e fluturimit drejtpërdrejt me linjat ajrore ose agjencitë e tyre të udhëtimit përkatës. TIA mbetet e angazhuar për të garantuar sigurinë dhe komoditetin e të gjithë pasagjerëve dhe do të vazhdojë të monitorojë nga afër situatën.'- njofton TIA.
Afro 1500 fluturime të anuluara në mbarë botën, probleme me shërbimin në spitale, banka dhe media. Ky është kaosi global që shkaktoi për disa orë një defekt i Microsoft, ardhur nga përditësimi i një sistemi të kompanisë mirëmbajtëse. Tashmë ngërçi teknologjik është rregulluar, ndërsa ndikimi negativ vazhdon akoma në mbarë botën.
Origjina e defektit dhe përgjigja e Micrsosoft
Microsoft Azure, platforma kompjuterike Cloud për menaxhimin e aplikacioneve dhe shërbimeve, konfirmoi në rrjetet sociale se kishte probleme dhe se po hetonin dhe po punonin për t'i zgjidhur ato.
Ndërkohë, numri i vendeve dhe kompanive ajrore që kanë bllokuar fluturimet po rritet. Polonia, India, Gjermania. Por lista e vendeve është e destinuar të rritet, sepse dështimet e aeroporteve çojnë në përhapjen e vonesave dhe anulimeve pothuajse kudo, pavarësisht nëse ka apo jo një dështim në sistemet e IT.
Probleme në SHBA, sistemet financiare në kaos
Për shkak të problemeve, në shërbimet ‘cloud’ në rajonin qendror të Shteteve të Bashkuara, mrëmë linja ajrore amerikane me kosto të ulët Frontier Airlines njoftoi anulimin e disa fluturimeve dhe pezullimin e përkohshëm të operacioneve për shkak të rezervimit, problemeve me 'check-in'. Aeroporti i Berlinit i bashkohet listës së aeroporteve që raportojnë vonesa për shkak të "dështimit teknik" në sistemet e tyre IT.
Aeroporti i kryeqytetit gjerman publikoi në X se po përjeton vonesa në check-in. Nga Spanja, raporton BBC, raportohet për probleme në të gjitha aeroportet e vendit. "Ne po punojmë për t'i zgjidhur ato sa më shpejt të jetë e mundur. Ndërkohë, operacionet vazhdojnë me sisteme manuale", thotë operatori spanjoll i aeroportit.
Aeroporti Ndërkombëtar i Prishtinës “Adem Jashari”, nuk është afektuar nga kolapsi kibernetik i cili sot ka prekur pothuajse gjithë botën.
Këtë e ka bërë të ditur për KosovaPress, zëdhënësja e Aeroportit Ndërkombëtar “Adem Jashari”, Valentina Gara.
“Ju njoftoj se sistemet e Aeroportit Ndërkombëtar të Prishtinës nuk janë të afektuara”, ka thënë Valentina Gara për Kosovapress.
Edhe Banka Qendrore e Kosovës ka njoftuar se sistemi ndërbankar i Pagesave është plotësisht funksional dhe se nuk ka pasur asnjë ndërprerje në aktivitetin e tij.
“BQK bën me dije se nuk ka pasur sulme kibernetike në sistemin bankar dhe nuk ka pasur asnjë rrezik për të dhënat apo sistemet. Si pasojë e disa ndryshimeve teknike të aplikuara nga ofrues global të shërbimeve, disa nga shërbimet online janë kufizuar për një kohë të caktuar. Sistemi bankar është funksional dhe nuk ka asnjë arsye për shqetësim. Shërbimet bankare po ofrohen nga bankat përmes kanaleve të tyre fizike dhe digjitale”, thuhet në tutje në njoftim.
Ndërsa, kanë pranuar se disa nga shërbimet online të ndonjë banke të caktuar janë ndikuar pjesërisht nga problemet globale me shërbimet e kësaj natyre, por se edhe këto shërbime po rikthehen gradualisht nga banka, pa asnjë pasojë.
Por, është Kompania Kosovare për Furnizim me Energji Elektrike (KESCO), e cila ka njoftuar se është prekur me të njëjtin problem.
“Për shkak të një kolapsi kibernetik, i cili ka prekur shumë sektorë në shumë vende të botës, ka afektuar edhe #Kosovën ku, nga mëngjesi i sotëm, të gjitha kërkesat tuaja po hasin në vështirësi t’i procesojmë te departamentet përkatëse për shkak të rënies së sistemit të IT-së”, thuhet në njoftim.
Njëjtë sikurse Aeroporti Ndërkombëtar i Prishtinës, nga ndërprerja e funksionimit të sistemeve kompjuterike, në nivel global nuk është prekur as Aeroporti Ndërkombëtar “Nënë Tereza”, në Tiranë./ Kosova Press
Aeroporti Ndërkombëtar i Tiranës (TIA) konfirmon se sistemet e tij kanë mbetur plotësisht funksionale dhe të paprekura nga kriza e fundit e sistemeve kompjuterike në mbarë botën.
Për shkak të ndërprerjeve në aeroportet e vendeve të tjera të prekura, mund të ketë ndryshime në oraret e fluturimeve si për mbërritjet ashtu edhe për nisjet në TIA.
Këshillohet që të gjithë pasagjerët të verifikojnë oraret e fluturimit drejtpërdrejt me linjat ajrore ose agjencitë e tyre të udhëtimit përkatës.
TIA mbetet e angazhuar për të garantuar sigurinë dhe komoditetin e të gjithë pasagjerëve dhe do të vazhdojë të monitorojë nga afër situatën.
Komente
Lajme të tjera
-
‘Si fëmijë në një dyqan karamelesh!’ Ana e errët e manjatit të Microsoft, Bill Gates në librin e gazetares së NYT
4 Gusht, 16:57 -
Kompanitë në proces të rikthimit, pas avarisë teknologjike
22 Korrik, 15:11 -
Kaosi me sistemet e IT në botë, Microsoft: 8.5 milionë kompjuterë u goditën nga incidenti
20 Korrik, 22:14 -
Kaosi me sistemet e IT në botë, shërbimet globale po i rikthehen funksioneve
20 Korrik, 07:47 -
Aeroportet në ditën më të keqe: rrezikohen pushimet e mijëra personave, çfarë po ndodh?
19 Korrik, 13:05
-
Microsoft: Hakimi i sistemeve të tij u sponsorua prej qeverisë ruse
20 Janar, 13:27 -
The New York Times padit kompanitë OpenAI dhe Microsoft
27 Dhjetor 2023, 21:41 -
Kina akuzohet për hakerimin e emaileve të qeverisë amerikane
13 Korrik 2023, 11:06 -
Microsoft gjobitet 20 milionë dollarë për shkelje të ligjit për fëmijët
6 Qershor 2023, 07:57 -
Shefja e Microsoft në Gjermani: Industria duhet ta përqafojë inteligjencën artificiale
17 Prill 2023, 19:58 -
Kompania Microsoft do të shkurtojë 10 000 vende punë deri në fund të marsit, 5 % të fuqisë punëtore të kompanisë
18 Janar 2023, 18:25 -
Kompania amerikane Microsoft: Pas sulmeve kibernetike në Shqipëri qëndron qeveria iraniane
8 Shtator 2022, 19:08
Kjo tregon se Rusia Kina dhe Irani kane tere celesat e botes, njehere rrezuan sistemin energnitik te Ballkanit Perendimor, tani bllokojne qe t sistemin e internetit boteror, ato qe thuhen jo futem antivirus etj sjane gje tjeter vecse justifikime per paaftesine qe kane per te mbrojtur sistemin kibernitik boteror
PërgjigjuShqipëria si gjithmon fanar ndriçues
PërgjigjuFiks
PërgjigjuKjo ashte teknologjija. Hahahah
Përgjigju