Lëshimet e fundit të raketave të Koresë së Veriut ishin për të testuar armët bërthamore të këtij shteti “për të goditur dhe zhdukur” shënjestrat e mundshëm të Koresë së Jugut dhe Shteteve të Bashkuara, raportoi më 10 tetor media shtetërore. Këto raportime vijnë në kohën kur lideri verikorean ka sinjalizuar se do të kryejë edhe më shumë teste provokuese.
Deklarata e Koresë së Veriut u lëshua në përvjetorin e 77-të të Partisë së Punëtorëve, që është në pushtet, dhe shihet si përpjekje për unitetin e publikut ndaj Kimit, i cili po përballet me vështirësitë ekonomike të shkaktuara nga pandemia, por edhe për shkak të kërcënimit të sigurisë që paraqet aleanca ushtarake midis SHBA-së dhe Koresë së Jugut.
“Përmes shtatë lëshimeve të raketave dhe operacioneve taktike bërthamore, u shfaqën aftësitë tona... të forcave luftuese bërthamore që janë të gatshme të godasin dhe zhdukin shënjestra në çdo lokacion dhe në çdo kohë”, tha agjencia shtetërore e lajmeve KCNA.
KCNA tha se testimi i raketave u bë në përgjigje të stërvitjeve të fundit detare të forcave të SHBA-së dhe Koresë së Jugut, ku u përfshi edhe avionmbajtësi USS Ronald Reagan. Kjo ishte hera e parë në pesë vjet që ky avionmbajtës u përfshi në stërvitje.
Duke i parë këto stërvitje si kërcënim ushtarak, Koreja e Veriut vendosi të zhvillonte “simulim të një lufte të vërtetë” për të kontrolluar dhe përmirësuar aftësitë e saj të luftës dhe për të paralajmëruar armiqtë, tha KCNA.
Presidenti amerikan, Joe Biden, dhe kryeministri japonez, Fumio Kishida. Fotografi nga arkivi.
Koreja e Veriut i konsideron stërvitjet ushtarake SHBA-Kore e Jugut si përgatitje për pushtim, edhe pse këto shtete kanë thënë se stërvitjet janë të natyrës së mbrojtjes. Që nga maji, kur u formua Qeveria e re në Seul, ushtritë e SHBA-së kanë zgjeruar stërvitjet e tyre ushtarake, pasi i kishin zvogëluar ato për shkak të pandemisë.
Në lëshimet e raketave – që u mbikëqyrën nga Kim – u përfshin edhe raketa me aftësi bërthamore, por edhe raketa të tjera balistike. Po ashtu, Veriu ka lëshuar një raketë balistike tokë-tokë që ka fluturuar mbi Japoni, raportoi KCNA.
Këtë vit, Koreja e Veriut ka kryer numër rekord të testime, duke lëshuar mbi 40 raketa balistike dhe lundruese./REL
Lajme të tjera
-
Cilat vende e kanë ndaluar TikTok-un dhe pse?
20 Nëntor, 22:33 -
Seuli thotë se Koreja e Veriut i ka dërguar armatim shtesë Rusisë
20 Nëntor, 08:58 -
Kim Jong Un kërkon zgjerimin e forcave bërthamore të Koresë së Veriut
18 Nëntor, 08:30 -
Kim Jong Un urdhëron prodhim masiv të dronëve
15 Nëntor, 15:36 -
Lideri koreanoverior urdhëron 'prodhim masiv' të dronëve sulmues
15 Nëntor, 08:17 -
Rriten tensionet mes dy Koreve, Veriu provokon përsëri, bllokon sinjalin GPS të avionëve dhe anijeve! Jugu ankohet në OKB
9 Nëntor, 08:28 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Ministrja e Jashtme koreanoveriore: Koreja e Veriut do të mbështesë Rusinë derisa të triumfojë në Ukrainë
1 Nëntor, 12:44 -
Putin: Është punë për Rusinë nëse do të përdorë apo jo trupat e Koresë së Veriut
25 Tetor, 14:37 -
Seuli kritikon Moskën për ratifikimin e traktatit të mbrojtjes me Phenianin
25 Tetor, 09:29 -
Kim Jong Un viziton bazat raketore: Arsenali bërthamor i SHBA-së paraqet kërcënim për ne
23 Tetor, 09:14 -
Lufta në Ukrainë/ Koreja e Veriut: Ne nuk kemi dërguar ushtarë në Rusi
22 Tetor, 11:13
