Alba Malltezi: Oborri plot me Range Rover e Benz-Mercedesa, protestuesit vend gati te kangjellat

Alba Malltezi: Oborri plot me Range Rover e Benz-Mercedesa, protestuesit vend gati te kangjellat

Oborri i PD-se sot

Janë shumë domethënëse pamjet që televizionet informative transmetojnë nga oborri i selisë së Partisë Demokratike në orën 11.35, pak minuta para fillimit të revolucionit të paralajmëruar në mesditë. Më shumë makina të markave më të shtrenjta të globit, e më pak qytetarë apo simpatizantë.

Disa Range Rover, disa Benz-Mercedes stonojnë me qytetarët që mbajnë në duar flamujt e Europës, SHBA-ve, dhe parrulla që shprehin pakënaqësinë e tyre të hapur me qeverisjen në vendin tonë. Jo se këto marka nuk do t’i meritonin t’i gëzonin të gjithë qytetarët e mbledhur aty, përkundrazi, secili prej tyre do të meritonte shumë më shumë mirëqënie, qetësi, rehati, respekt, mirënjohje, por sepse janë pikërisht pronarët e atyre makinave pompoze që janë shkaktarët e brishtësisë së qytetarëve që ndodhen aty. Sa më gjigande dhe imponuese ato makina, aq më të brishtë, drithërues, të pafrymë qytetarët. Në atë oborr nën diellin e Tiranës sot, po ndodh një metaforë tronditëse: Sa hapësirë ka për luksin dhe sa hapsirë ka për zërin e të pafuqishmëve.  

Në të vërtetë ka qënë prej shumë vitesh kështu. Disa e shohin dhe e kuptojnë mirë situatën, të tjerë vazhdojnë të kapen tek fijet e barit duke këmbëngulur të ndjekin një rrugë të gabuar, një filozofi të gabuar, njerëzit e gabuar që nga sediljet e rehatshme, dhe xhamat e blinduar ose jo të fuoristradave më të shtrenjta në botë kanë humbur kontaktin me realitetin dhe me kuptimin e vërtetë të jetës dhe të protestës. Si mund të planifikohet një revolucion, kur ke një oborr të mbushur me makina luksi dhe mbështetësit e tu të dëshpëruar qëndrojnë gati gati te kangjellat.

a.m./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubi: 03/03/2023 18:24

    Kan vuajtur shum te shkretet. Kane marre edhe leke borxh..

    Përgjigju
  • Linda: 03/03/2023 17:37

    Pse mos ti kene me te shtrenjtat makinat jane muzikant birbilash dhe kane alamet pune shajn nga mengjesi ne dark .

    Përgjigju
  • Bledi Mane: 03/03/2023 12:34

    Ky range eshte i babales (salianjit) bmw eshte e nokes (e ka pas qe me para nuk e ka ble tani)

    Përgjigju
    • Zari: 03/03/2023 20:55

      Noka ka Benz G klass. Mos ja ul kaq vlerat malokut se punen e lepirjes te Salehu e bo persmari.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet