Banorja e ‘5 Majit’ ulet në tokë: Dua takim me Berishën, ai është shpresa jonë! Albana Vokshi luan ndërmjetësen

Një banorë e ‘5 majit’ ka kërkuar me insistim që të takoje Sali Berishën ditën e sotme, pasi shpreson që ai t’i japë një zgjidhje problematikës së saj. Para Kuvendit, banorja e '5 majit', banesa e të cilës preket nga projekti i Unazës së Re dhe rikualifikimit urban, tha se kërkon zgjidhje nga Sali Berisha, kjo edhe për faktin se kanë qenë një zonë që ka votuar djathtas.

‘Çfarë do të bëhet me ne, ne nuk kemi firmosur? Shpresa jonë e vetme është Sali Berisha. Ne do të vetflijohemi që të na jepet zgjidhje. Si do të veprohet me ne? Nuk mendojmë se Berisha do të na japë zgjidhje... por e kemi kërkuar gjithandej. Duam që të takojmë edhe Sali Berishën. Duam zgjidhje, se dihet se çfarë njësie jemi. Kam ditë që po e kërkoj për ta takuar.’- tha banorja, e cila takoi Berishën pas ndërmjetësimit të Albana Vokshit.

Shembjet e radhës në këtë zonë, parashikohet që të mbahen në datën 22 Shkurt.

Lajmi kryesor:

Banorët e 4 zonave në Tiranë sërish në protestë para Kuvendit! Banorja e ‘5 majit’ i kërkon ndihmë Berishës: Doktor na mbroni! Ish kryeministri: Do flas me komisionin tim

M.Q./r.k./Shqiptarja.com

TAG:
• 5 maji
• proteste
• paskuqan
• Tirane
• laprake
• UNAZA E MADHE