POP 5

Lajmet më të lexuara të 5 minutave të fundit

Arkiva

Aleatët e majtë mblidhen pa PS-në
për KQZ dhe mbrojtjen e votës

Rreziku i prishjes së zgjedhjeve nga ana e qeverisë ka bërë që aleatët e majtë të mblidhen në një takim pa PS për zgjedhjet. Kështu dje në ambientet e Hotel Rogner është zhvilluar një takim mes pesë kryetarëve të partive aleate të PS, përkatësisht Skënder Gjinushi i PSD, Paskal Milo i PDS, Petro Koçi i PSV 91, Idajet Beqiri i PUK e Marko Dajti i PPSHR...
TIRANE - Rreziku i prishjes së zgjedhjeve nga ana e qeverisë ka bërë që aleatët e majtë të mblidhen në një takim pa PS për zgjedhjet. Kështu dje në ambientet e Hotel Rogner është zhvilluar një takim mes pesë kryetarëve të partive aleate të PS, përkatësisht Skënder Gjinushi i PSD, Paskal Milo i PDS, Petro Koçi i PSV 91, Idajet Beqiri i PUK e Marko Dajti i PPSHR për të diskutuar mbi situatën zgjedhore dhe rreziqet në rritje ndaj procesit të votimit.

Ata theksuan se situata në KQZ mbetet e papranueshme dhe përbën një kërcënim për manipulim të rezultatit zgjedhor në favor të PD. U kërkua një ndërhyrje më energjike nga faktori ndërkombëtar për të riformatuar këtë institucion të lartë të administratës zgjedhore.

Gjithashtu  u vu në dukje rreziku se përpjekjet e mundshme të komisionerëve të majtë për të mos mbrojtur votat e aleatëve të PS gjatë procesit të numërimit do krijonin terrenin e përshtatshëm për ndërhyrjen e komisionerëve të PD për të manipuluar procesverbalet në dëm të opozitës.

U identifikua fenomeni në rritje i përdorimit të parasë për blerjen e votave në shumë raste dhe indiferencën e institucioneve ligjore ndaj këtij fenomeni shtetkapës.

Gjinushi, Milo, Koçi, Beqiri dhe Dajti theksuan angazhimin total të partive që drejtojnë për të realizuar rotacionin qeverisës dhe fillimin e reformave të thella që garantojnë pavarësinë e institucioneve, luftë kundër korrupsionit dhe një sistem zgjedhor më pluralist e më të drejtë që rrit pushtetin e qytetarit mbi politikën e qeverisjen.

Mbledhja e djeshme e aleatëve të PS pa prezencën e aleatëve të mëdhenj, Rama dhe Meta tregon se iniciativat vetjake nuk janë të përjashtuara tek e majta, e cila shquhet për diversitet në bashkëpunim.

Shkrimi u botua sot në gazetën Shqiptarja.com (print) 29.05.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03