Në hyrje të Kuvendit, deputeti demokrat Enkelejd Alibeaj ka komentuar një protestë të thirrur nga Sali Berisha. Alibeaj tha se Berisha nuk mund të përfaqësojë njerëzit që vuajnë, ndërsa tha se mënyra më e mirë për të bërë protestë është në Kuvend.
“Do protestosh për krimin, duhet të flasësh këtu. Do protestosh kundër çmimeve të larta, kundër oligarkëve, unë besoj se mënyra më e mirë për të protestuar është këtu. Unë protestoj sot, protestoj në çdo rast. Detyra e çdo deputeti është kjo. Nuk mund të jetë Sali Berisha përfaqësimi i atyre njerëzve të cilët sot vuajnë gjithmonë e më tepër. Absolutisht jo. Më kuptuat mirë se çfarë thashë.
Nuk është ai shpresa e njerëzve. Para se të shkojnë te sheshi dhe t’u thonë njerëzve hajdeni të protestoni të vijnë këtu dhe të thonë një gjë. Kanë guxim ta thonë? Për të protestuar për çmimet e larta duhet të thotë se çfarë qëndrimi ka ndaj oligarkëve”, tha Alibeaj.
Edhe Sekretari i Përgjithshëm i Partisë Demokratike, Gazmend Bardhi, ka ironizuar protestën e thirrur nga ish kryeministri Sali Berisha. Ai ka thënë se ka gjithmonë një arsye për të protestuar por shtoi se ai qëndron në krah të qytetarëve dhe jo të non gratave. Ndërkohë që pjesa tjetër e deputetëve kanë deklaruar se do të marrin pjesë në protestë. Për protestën kanë folur edhe Ervin Salianji, Tomorr Alizoti, Saimir Korreshi, Agron Duka, Grida Duma, Arbi Agalliu, Ina Zhupa, Ferdinand Xhaferri, Flutura Acka, Xhelal Mziu, Flamur Hoxha etj.
Deputeti i Partisë Demokratike, Saimir Korreshi i pyetur nga gazetarët para seancës plenare në Parlament, konfirmoi pjesëmarrjen në protestën e thirrur nga Berisha. Ai ironizoi futjen në listën si organizator i protestës, duke thënë se “nuk ia kanë marrë masën e kostumit”.
“Masë për kostum nuk na kanë marrë me thënë të drejtën, nuk e di si do e qepin, por për të marrë pjesë në protestë unë kam thënë nuk e ndërroj, do të marr”, u shpreh Korreshi.
Pyetjes nëse do të punojë me strukturat në Lushnje, Korreshi iu përgjigj duke thënë se diçka e tillë është e vështirë, pasi Partia Demokratike është e ndarë dhe situata ka ngelur pa zgjidhje.
Për këtë, ai tha se në protestë duhet marrë pjesë si demokrat, pasi aktualisht nuk ka struktura.
“Strukturat janë dyzuar, të pyesin jo po me kë je ti. Nuk të pyesin më a je kundër qeverisë, po a je me Lulin apo me Saliun. Ka ngelur një pyetje që do zgjidhje. Dhe unë mendoj se duhet të ketë një zgjidhje në Partinë Demokratike dhe nuk ka më struktura, ka demokratë, njerëz kundër kësaj qeverie që duan të vijnë protestë. Kjo është zgjidhja që të shkohet në protestë kundër qeverisë, jo se je me njërin apo me tjetrin”, tha ai.
I pyetur në lidhje me batutën e tij “nëse do ta pranonte kostumin sido që të ishte”, Korreshi u shpreh: “Po tani nëse do të jetë një këmbë më i shkurtër një më i gjatë nuk shkon, jo për gjë, por duhet depiluar pastaj.”
Edhe Sekretari i Përgjithshëm i Partisë Demokratike është kundër protestave të organizuara nga Sali Berisha. Gazment Bardhi në një prononcim për mediat para se të hynte në seancë plenar ka ironizuar protestën e thirrur nga ish kryeministri Sali Berisha. Sipas Bardhit ka gjithmonë një arsye për të protestuar por shtoi se ai qëndron në krah të qytetarëve dhe jo të non gratave.
Lajme të tjera
-
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
