Alibeaj në delir: Kreu i Grupit Parlamentar jam unë! Takimet me njerëzit e Bashës?! Do flasim prapë

 

Në përfundim të mbledhjes së grupit parlamentar të PD, Enkelejd Alibeaj theksoi se e drejtoi grupin dhe u shpreh se nuk janë aspak të ngadaltë në procesin e mbledhjes së PD. Gjithashtu shtoi se duhet të bashkojnë cdo fluks në bazë për t’i vënë shpatullat kësaj pune.

Sa i përket takimeve me njerëzit e Bashës, nuk bën një koment por shprehet se do të takohen sërish.

“Ka vetëm një palë dhe kjo është Partia Demokratike. Mbledhjet janë një, grupi parlamentar është një. Kryetari i Grupit është Enkelejd Lutfi Alibeaj. Shihni thirrjen që ne kemi bërë që në prill për të mos lejuar krijimin e strukturave paralele. Të paktën për këtë gjë nuk mund të qortohemi. Për faktin që ne kemi dashur dhe kemi bërë gjithçka për të qenë bashkë. Pavarësisht çoroditjeve që ne kemi, nëse ka një interes të të gjithë demokratëve dhe mbi të gjitha të të gjithë shqiptarëve, është që një orë e më parë t’i dalim të bashkuar regjimit të Edi Ramës. Për këtë duhet të bashkojmë çdo fluks në bazë pasi ata do t’i vënë shpatullat kësaj pune. Të gjejmë një kandidat të vetëm që të përfaqësojë të gjitha flukset. Të gjithë bashkë me moral”, tha Alibeaj.

Lajmi kryesor:

Negociatat me Rithemelimin për ‘vendoret’, Bardhi: Njëanshmëria e dëmton procesin! Alibeaj: Nevojë që të dalim me kandidat të përbashkët fitues

/KT/Shqiptarja.com

TAG:
• gazment bardhi
• enkelejd alibeaj
• Lufta brenda PD
• zgjedhjet vendore 2023