TIRANË- Enkelejd Alibeaj ka përjashtuar nga grupi parlamentar 4 deputetë të tjerë, që janë mbështetës të Sali Berishës. Më konkretisht bëhet fjalë Tritan Shehun, Oerd Bylykbashi, Belind Këlliçin dhe Agron Shehajn, për të cilën është njoftuar edhe Kuvendi. Një vendim i tillë sipas njoftimit zyrtar vjen pasi 4 deputetë nuk kanë reflektuar për aktet e dhunës ndaj selisë së PD-së në protestën e 8 janarit. Ato ishin pezulluar më herët nga Basha, e ndërsa me firmën e Alibeaj janë përjashtuar nga grupi.
“Sot, më datë 10.01.2023, ka përfunduar afati 1 vjecar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu; Oerd Bylykbashi; Belind Këllici dhe Agron Shehaj. Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar. Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu; Oerd Bylykbashi; Belind Këllici dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023”, thuhet në vendim.
Ky vendim ka sjellë reagimin e Tritan Shehut i cili paralajmëron se nuk do ta pranojë këtë vendim, dhe duke e quajtur Alibejan si një të sëmurë që ka kaluar në delir. Nga ana tjetër Ervin Salianji e quajti një vendim personal të Alibeajt, duke deklaruar se nuk ka pasur mbledhje të grupit parlamentar për këtë çështje.
Përjashtimi i 4 deputetëve të tjerë pritet të thellojë edhe më shumë përçarjen e Partisë Demokratike, mes grupit të Alibeajt dhe të Sali Berishës. Më herët janë përjashtuar Flamur Noka, Edmond Spaho, Albana Vokshi dhe Luan Boçi. Një vendim i tillë para zgjedhjeve të 14 majit, pritet të acarojë marrëdhëniet në PD.
Deputeti i PD-së Agron Gjekmarkaj, ka reaguar ashpërsisht pas polemikave që kanë shpërthyer në PD, për të kontrolluar grupin parlamentar.
“Prej muajsh nuk kuptoj me asgje! Njerzore është të mos kuptosh. Me mungojnë të gjitha instrumentat rracional të perkufizimit per kete mot politik. Kam marrë një vendim te brendshem qe mbase duhet ta formalizoj edhe se jashtmi që të shpjegoj vetem veprimet e mia dhe jo te te tjerve me fjale ose me heshtje. Prej kohesh irracionalja , egoja , intrigat, egersia vershojnë nga të gjitha anet.Sadoma dhe Gomorra me shfaqen para syve në të gjithë lugubritetin e vet. Tek Iliada lapidar eshte nje varg " pse vraponi per të vdekur o të mjerë?". Secili duhet ta lexoje , vlen per te gjithe ata qe duan jeten. Perfitoj nga kjo mundesi te ftoj te gjithe koleget gazetare mos te me bejne pyetje e ftesa per disa muaj.”- shkruan Gjekmarkaj.
Deputeti, Ervin Salianji ka reaguar pas vendimit të publikuar nga Enkelejd Alibeaj ku thuhej se 4 deputetë janë përjashtuar nga grupi parlamentar i PD-së. Nëpërmjet një postimi në facebook, Salianji tha se nuk kishte asnjë përjashtim sepse sipas tij nuk ka pasur mbledhje të grupit parlamentar për të miratuar këto përjashtime.
“Duhet bërë gjithçka për bashkimin dhe dhënien forcë demokratëve! Nuk ka përjashtime, sepse s’ka vendime të grupit parlamentar as mbledhje të tij! Kam keqardhje kur lexoj deklarata personale dhe në dëshpërim të cilat nuk i bëjnë mirē askujt. Sakrificat e demokratëve kërkojnë bashkim jo ndarje! Shqipëria meriton opozitë reale dhe dinjitoze, fati politik i çdokujt varet nga votat jo nga mllefet personale! Partia Demokratike nuk është pronë e askujt, dhe inatet e vogla nuk bëhen dot vendimeGrupi Parlamentar do të reagojë me përgjegjshmëri dhe perpjekja për bashkim, do duhet te shihet me shumë respekt për ata qe e bëjnë realitet në interes të vendit dhe demokratëve”- shkruan Salianji.
Pasi Enkelejd Alibeaj e ka përjashtuar nga grupi parlamentar, Tritan Shehu nuk i ka kursyer ironitw dhe akuzat ndaj tij. Ai sigurisht nuk do e pranojë këtë vendim, duke thënë se nuk është asgjë tjetër përveç se një i “sëmurë” e që ka kaluar në delir.
“Të shpëtojme Alibejan! Ai është rënduar shumë, në mënyrë galopante! Ndoshta i ka berë keq edhe Viti i Ri, gjeli, a diçka tjetër… Deliret e tij mendore, perceptimet e tij te deformuara për realitetin, po e cojnë shumë larg në “sëmundjen” e tij. Ndoshta i duket vetja si Kim Jong-Un a dikush tjetër i ngjashëm. Apo si gjeli mbi kotec, që tremb pulat përreth…. Kjo e fundit me duket me reale, me e vërtete! Por pavarësisht nga “figura” që imagjinon për vehten e tij, ai ka perceptime te deformuara, iluzione, delire. Që e çojnë pastaj në këtë shkalle keqësimi të “shëndetit mendor”!
Është renduar fort i shkreti kohët e fundit, duke tejkaluar në thellësi e ritëm shumë edhe nga parashikimet që kisha për ecurinë e tij shëndetësore! Deri sa arrin të firmose të tilla pacavurre….si simptomë e “sëmundjes” së rendë të tij! Dhe ketë e bën atëherë kur të gjithë po punojnë, përpiqen për tejkalimin e ndarjeve. Ndarje të cilat ai vete i ka “zyrtarizuar” me atë cope letër, që firmosi për herë të pare si “kryetar” i grupit, i caktuar nga….Sidoqofte një keshillë për koleget e tjerë opozitare: Megjithatë mos e denigroni atë, mos e agresoni se sëmundja kështu vetëm rendohet, por:
1-Cojeni me “butësi” aty ku mjekohen këta të “sëmurë”. 2-Vetem me kujdes, mos i qëndroni shumë afër, se ndoshta këto “sëmundje” mund të jene edhe ngjitëse në disa raste. Sa për të tjerat vetëm mund të qeshës me një karikaturë të tillë”, shkruan Shehu.
Deputetja, Flutura Açka e ka quajtur një marrëzi përjashtimin e deputetëve, Oerd Bylykbashi, Agron Shehaj, Tritan Shehu dhe Belind Këlliçi nga grupi parlamentar i Partisë Demokratike.
Në një postim të bërë në facebook, Açka shkruan se deputetët të cilët u përjashtuan i bëjnë nder çdo grupi parlamentar, duke kritikuar vendimin e marrë nga Alibeaj.
“Marrëzia e vogëlsisë A jeni në metro? Oerd Bylykbashi, Agron Shehaj, Tritan Shehu e Belind Këlliçi i bëjnë nder çdo grupi parlamentar”- shkruan Açka në reagimin e saj.
Komente
Lajme të tjera
-
Lajmërim publik për Belind Këlliçin: Keni një kallëzim për shpifje në Gjykatën Penale, e kotë të fshiheni si Çlirim Gjata!
18 Dhjetor, 17:23 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31
STANBYYYYYY !
PërgjigjuPo te ishe kaq I inteligjent ishe martu o laluc te pruni Luli pronari mega teg ne shkoder me mar vota do marresh te gjatin ti bashk me rilindjen
PërgjigjuFlutura mos bej si interesante, ata ishin te veteperjashtuar, Alibeaj beri thjesht nje veprim formal. Ata jane me Berishen ky eshte fakt, prandaj mos dil me te tilla deklarata qe te terheqish vemendjen.
PërgjigjuBukur bukur. Madje qe tja menderosni fare Berishes, bashkojeni grupin me Tome Doshin.
Përgjigju