Kreu i SPAK ka morri sot garancitë nga të gjithë ambasadorët e BE-së se do ta mbështesin në punën e tij dhe të prokurorëve të këtij institucioni për të luftuar korrupsionin në nivele të larta dhe krimin e organizuar.
“Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së në Europe House
Delegacioni i BE në Shqipëri u shpreh se mbështet fuqimisht SPAK-un në adresimin e korrupsionit të nivelit të lartë dhe krimit të Organizuar.
“Bashkimi Evropian mbështet fuqimisht përpjekjet e SPAK-ut në adresimin e korrupsionit të nivelit të lartë dhe krimit të organizuar në Shqipëri. Në takimin e shefave të misioneve të BE-së në Tiranë, kryeprokurori i posaçëm i SPAK, Altin Dumani ndau me ne arritjet e institucionit dhe diskutuam mënyrat për të ndihmuar SPAK-un në përmbushjen e mandatit dhe tejkalimin e sfidave me të cilat përballet. Konsolidimi i reformës në drejtësi mbetet kyç në rrugën e anëtarësimit të Shqipërisë në BE.” shkruajti ambasadori i BE Silvio Gonzato ne rrjetin social X
Nëpërmjet një postimi në facebook, edhe ambasada gjermane në Tiranë përgëzon Altin Dumanin dhe ekipin e prokurorëve të SPAK për arritjet e deritanishme dhe theksojnë se prokuroria e Posaçme është pjesë e pazëvendësueshme e Reformës në Drejtësi.
SPAK është pjesë e pazëvendësueshme e reformave në drejtësi dhe tashmë ka treguar sukses të madh në luftën kundër korrupsionit dhe krimit të organizuar. Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim mëtej punën e tij”- thuhet në postimin e ambasadës gjermane.
Në Shqipëri, Prokuroria dhe Gjykata e Posaçme u vunë në qendër të vëmendjes gjatë vitit 2023. Një numër i madh politikanësh, funksionarësh apo ish zyrtarësh, kryesisht të niveleve të larta të pushtetit qendror dhe atij lokalë, kapërcyen gjatë vitit, pragun e godinës së SPAK-ut në Tiranë, prej nga jo të gjithë dolën prej andej.
Ish kryeministri Sali Berisha përfundoi nën hetim me arresti shtëpie për akuzën e korrupsionit pasiv në aferën e privatizimit të kompleksit ‘Partizani’ në Tiranë. Nën hetim është dhe ish-zv.kryeministri Arben Ahmetajn ndaj të cilit është prerë urdhër-arrest dhe është në kërkim. Së fundmi është dosja e ish ministrit të Shëndetësisë, Ilir Beqaj.
