Prodhimi vendas, përditë e me shumë, e ka të vështirë të mbërrijë në tavolinat tona. E shohim të gjithë. Nuk mjaftojnë të gjitha fotografitë, selfiet, videot e një prej ish-ministreve “fotozhenike” të administratës sonë, të na e mbushin mendjen se po bëhet shumë për bujqësinë dhe fermerët. E dimë mirë se edhe sot e kësaj dite, në çdo treg shqiptar, mbi banakët e sistemuar do të shohim mollët perfekte të importit, domatet me të njëjtën masë, specat prej disa centimetërsh dhe kastravecat të gjithë një gjatësi, e poshtë, të ulur në dhe e nëpër cepa, me sytë katër se do të kapen nga polici i radhës, me pak qese, prodhuesit vendas, si të ishin, njësoj si fshatarët e kohës së keqe, duke kërkuar bukë gruri që i ishte mohuar në diktaturë.
“E di kam bërë bozë me statuset e mija për prodhimin vendor. Ju ngrihet lart niveli i snobit, s'keni faj. Se nuk e keni bërë provë t’ju thoni s’mund ta blej dot prodhimin 20 vetave në ditë, burra 70 vjeçar me duart me kallo, nëna, hallxhi, rini të demoralizuar sepse nuk arrijnë të marrin mbrapsht mundin që bëjnë me tokën”… Shkruan sot, për të njëqindtën herë Altini i Mrizit.
Nuk mund të mjaftojnë as ulërimat dhe dëshpërimi i vetëm një deputeti. E njohim të gjithë. Erjon Braçe quhet! As puna e një medie të vetme që denoncojnë politikat penalizuese të grosistëve dhe të tregjeve agro-ushqimorë që sillen me prodhuesit vendas si skllavopronarët e fushave të pambukut në Amerikën e të tjerëve shekuj.
E si për ironi të fatit, në social media shfaqet Bill Gates në Etiopi, i gëzuar me faktin se atje fermerët po ja dalin të mëkëmben. Nëse pyesni ChatGTP e Mira Muratit se “çfarë po bën Bill Gates dhe Melinda Gates në ato anë”, mund të keni një panoramë të përgjithshme të përpjekjeve ndër vite për t’i ndihmuar ata të rimëkëmben, të gëzojnë prodhimin e tyre e të gjejnë dhe tregje.
Sigurisht, do të thoni, Etiopia ka 123 milionë banorë dhe ne jemi një grimcë para tyre dhe interesave që një Bill Gates mund të ketë për përmasa të tilla, por, meqë sot festojmë dhe Nënë Terëzën, shqiptaren tonë më të famshme në botë, a nuk po kopjojmë të gjithë krenarë e po shpërndajmë mësimet e saj? “Mos u shqetëso për numrat, - thotë ajo, - ndihmo një e nga një dhe nise me njeriun më afër teje”.
Si për ironi të fatit, elita e influencerave shqiptarë, ata më të pasurit, më të vlerësuarit më të klikuarit e më të lakmuarit, me një aparat kinez në dorë, vendosur nga oligarku i radhës së bostanëve, kastravecave, domateve, shalqinjve, të importit, shtojnë zerot në Ibanët e tyre të strëfryrë nga gjithçka duke thënë: “O Zot, sa nitrat paskan bostanët e Lushnjës!...” Dhe për këtë askush nuk heton, sepse lufta ndaj prodhimit vendas është vërtetë e gjithanshme! Kjo është e dukshme.
Komente
Lajme të tjera
-
REPLIKAT/ Braçe shpërthen ndaj Lapajt: Fashist i vogël i Berishës, ndal shantazhet! I përgjigjet kreu i ‘Shqipëria Bëhet’: Po më kërcënon
7 Dhjetor, 12:50 -
Spahiu: Ky është Kuvendi më banal në 100 vjet/ Gra që sillen si burra dhe burra që sillen si gra
5 Dhjetor, 21:34 -
'Kone', Zhupa ofendon Braçen: O Erion t'u rrit boja, sa shumë m** të ha goja! PS braktis Kuvendin në shenjë proteste, mbyllet seanca (VIDEO)
5 Dhjetor, 12:44 -
'Më dukesh si ruse, por nuk je', Braçe i kthehet Zhupës: Mos u lyej me parfum dhe pri thonjtë! Duhet të hetohesh për dezinformim (VIDEO)
5 Dhjetor, 10:46 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
‘Harrohet’ sigurimi i detyrueshëm i banesës! Cila është skema e re që propozojnë socialistët? Primi i sigurimit të zbritet nga të ardhurat vjetore të qytetarëve
9 Nëntor, 20:44
-
Dezinformimi/ ‘Mos hapni çdo mesazh që vjen, edhe deputetët 'viktima'! Kreu i AKEP: U mbyllën 155 domaine ruse, 8 të grupeve të hakerimit! Qëllim, shkatërrimi i të dhënave
16 Tetor, 13:16 -
'Nuk dogjëm selinë e PS, thjesht hodhëm molotov', Braçe i përgjigjet deputetes së PD: E thotë sikur ka hedhur oriz në dasmë! Kuptoni gjë ju?
16 Tetor, 10:33
KE te drejte altin prenga privatet duhet te teheqin rrushin per raki e vere,,,por dhe shteti duhet te merret me kontrata ne vendet e lindjes...
PërgjigjuBill Gates ?! Kush e di se çfarë plani djallëzor ka tani mbas vaksinave, që të ulë numrin e popullsisë ky kriminel.
PërgjigjuTE LUMTE!!!
PërgjigjuNuk qendron fakti qe konsumatori Shqiptar nuk don qe te bleje prodhimet e vendit, Por problemi eshte ne ate qe nuk ka aspak besueshmeri qe ai prodhim eshte i vendit apo i importit, duhet qe te mbrohemi ndaj ketyre mashtruesve dhe bejme zgjedhjen me praktike: blejme ku eshte me lire.(ne mjaf raste veza e pularise eshte shitur si e pulave te kotecit_
PërgjigjuQë ka import dihet se ekonomi tregu është,që prodhohet në fushat e vendit nuk mohoet vetëm qorra nuk i shikojnë por si luftohet prodhimi vendas sigurisht duke thënë që janë me nitrat,keta janë ndyrësirat e kombit.Prodhimi vendas në kohen e Enverit çanin tregjet e botës dhe ne nuk i hanim dot....
Përgjigju