Humbi jetën nga COVID, amaneti i patriarkut Irinej: Mos hiqni dorë nga Kosova

Patriarku serb Irinej ka lënë një amanet para se të humbte jetën nga koronavirusi. Në deklaratën e dhënë nga Peshkopi Tedosije, tregon se amaneti i fundit i Irinej lidhet pikërisht me Kosovën, ku ai ka kërkuar të mos hiqet dorë prej saj.

“Pozicioni i tij ishte shumë i qartë për çështjen e Kosovës dhe Metohisë dhe patriarku ynë gjithmonë theksoi se ne nuk duhet të heqim dorë nga toka jonë e shenjtë, Jeruzalemi, Prizreni ynë, Patriarkana e Pejës, Deçani ynë, Graçanica. Se është zemra dhe shpirti ynë. Se nëse heqim dorë nga Kosova dhe Metohia dhe largohemi nga këto hapësira të shenjta, ne nuk do të ekzistojmë më dhe nuk do të jemi ata që kanë qenë gjithmonë të parët tanë dhe shenjtorët tanë, dhe se do të bëhemi diçka krejtësisht e ndryshme, e huaj për ne dhe jo e veçantë për ne”, ka thënë peshkopi Teodosije.

Duke folur për mbijetesën e njerëzve dhe të ardhmen, Peshkopi Teodosije vuri në dukje se vazhdimësia në Kosovë dhe Metohi nuk varet vetëm prej tyre. Ai u shpreh i trishtuar se Mali i Zi dhe Serbia kanë humbur dy nga njerëzit më të rëndësishëm për fenë, brenda një periudhe të shkurtër.

Kreu i Kishës Ortodokse Serbe, Patriarku Irinej, ndërroi jetë nga Covid-19, mëngjesin e djeshëm. Ndikimi i tij në politikën serbe ka qenë tejet i madh dhe ka qenë një nga kundërshtarët më të fortë të pavarësisë së Kosovës.

//Shqiptarja.com

TAG:
• serbia