Ambasada amerikane do të angazhohet në punën e ngritur nga komisioni i posaçëm parlamentar për thellimin e reformave, mirëqeverisjen, sundimin e ligjit dhe antikorrupsionin, pwrmes ekspertwve tw saj.
Kjo është bërë e ditur në një postim në rjetin social “X” ku theksohet se pret që puna e komisionit të jetë , transparente dhe në mbrojtje të pavarësisë së institucioneve. Një mesazh ka dhe për opozitën për të marrë pjesë në këtë komision.
“Si partnerë të palëkundur të përpjekjeve të Shqipërisë për të çuar përpara reformat e nevojshme për anëtarësim në BE, Ambasada e SHBA do të angazhohet me komisionin e posaçëm për mirëqeverisjen, anti-korrupsionin dhe sundimin e ligjit. Ne presim që puna e komisionit të jetë përfshirëse dhe transparente, në përputhje me kushtetutën, në mbrojtje të pavarësisë së institucioneve, si dhe të përmirësojë të ardhmen e Shqipërisë”, thuhet në reagimin e ambasadës.
![]()
Çfarë ka për objekt komisioni kush e drejton dhe SPAK?
Komisioni, i cili drejtohet nga Fatmir Xhafa është bojkotuar nga opozita që e sheh si tentativë për kapjen e SPAK dhe institucioneve të reja të drejtësisë, por kjo është hedhur poshtë nga kryeministri Edi Rama. Ndërkohë më 15 korrik, Drejtuesi i SPAK, Altin Dumani teksa ishte në kuvend kur u pyet nga deputetët nëse kjo nismë mund të cenojë pavarësinë e SPAK, Dumani tha se Struktura e Posaçme është institucion i mbrojtur nga Kushtetuta, si produkt politik, por shtoi se po vullneti politik mund të çojë në vendime të cilat ndikojnë punën e SPAK.
Komisioni Antikorrupsion? Çdo reformë që bëhet të ketë në fokus respektimin e parimit të ndarjes dhe balancimit të pushteteve. SPAK aktualisht të gjithë e dimë është institucion Kushtetues i pavarur, korniza ligjore e Kushtetuese garanton pavarësinë e institucionit. Siç është korniza ligjore Kushtetuese aktualisht. Parlamenti, është çështje e vlerësimit të Parlamentit. Ishte vullnet politik krijimi i SPAK, është po vullneti politik për të ndërmarrë masa të tjera që mund të afektojnë SPAK. Nuk mund të komentoj veprimtarinë e një institucioni siç është Kuvendi i Shqipërisë, deklaroi Dumani më 15 korrik.
Objekti i komisionit është skanimi dhe reformimi i luftës ndaj korrupsionit dhe sundimi i ligjit në funksion të integrimit evropian të vendit. Po ashtu, synimi është që Kuvendi të rrisë rolin e tij mbikëqyrës dhe llogarikërkues ndaj qeverisë, institucioneve të pavarura dhe agjencive ekzekutive ligjzbatuese.
PD e përcarë: 'bojkot' apo pjesëmarrje
Opozita ka shprehur skepticizëm të hapur ndaj kësaj nisme dhe më 30 maj 2024 bojkotoi votimin në parlament edhe të rezolutës edhe të ngritjes së komisionit, i cili u konstitua pa opozitën më 14 qershor.
Edhe pse disa herë maxhoranca i ka shtrirë dorën për bashkëpunim, sërish opozita ka refuzuar. Ndërkohë dje u zbulua se në Partinë Demokratike ka ‘përplasje’ mbi bojkotin e Komisionit Antikorrupsion. I ftuar në studion e "Repolitix' në Report Tv Luan Baçi tha se do të marrin pjesë në Komision dhe nuk mund ta bojkotojnë pasi ka mbështetjen e ndërkombëtarëve. Por kreu i grupit të PD, Gaz Bardhi e mohoi, duke thënë për Report Tv se nuk kanë ndryshuar qëndrim, pra do vijojnë bojkotin.
Përbërja e komisionit
Komisioni ka 11 anëtarë, 6 nga mazhoranca dhe 5 nga opozita. Anëtarët e këtij komisioni janë kryetarët dhe zv.kryetarët e 4 komisioneve të përhershme parlamentare dhe ata të Këshillit të Integrimit Evropian.
I. Përbërja e Komisionit të Posaçëm Antikorrupsionin për Shqipërinë 2030
1. Fatmir Xhafaj kryetar (PS)
2. Klotida Bushka anëtare (PS)
3. Eduard Shalsi anëtar (PS)
4. Etilda Gjonaj anëtare (PS)
5. Evis Kushi anëtare (PS)
6. Toni Gogu anëtar (PS)
7. Jorida Tabaku anëtare (PD)
8. Dhurata Tyli anëtare (PD)
9. Sorina Kote anëtare (PD)
10. Flutura Açka anëtare (PD)
11. anëtar (PD)
1. Milva Ekonomi anëtare zëvendësues (PS)
2. Erion Braçe anëtar zëvendësues (PS)
3. anëtar zëvendësues (PD)
4. anëtar zëvendësues (PD)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)