POP 5

Lajmet më të lexuara të 5 minutave të fundit

Politikë

Edhe Gjermania, si SHBA dhe BE: Qeveria aktuale legjitime, mbështesim reformat

Berlini mbështet qeverinë Rama duke e cilësuar si legjitime, pavarësisht protestave nga opozita. Ambasadorja gjermane u bashkohet deklaratave të SHBA-së dhe BE-së kundër opozitës, ndërsa shpreh keqardhjen që nuk është miratuar reforma zgjedhore.

Pas Shteteve të Bashkuara të Amerikës dhe Bashkimit Europian edhe Gjermania mbështet qeverinë Rama duke e cilësuar si legjitime, ndërsa është e ashpër me opozitën shqiptare. Përmes një deklarate, ambasadorja gjermane në Tiranë, Schütz deklaron se 'qeveria Federale do të vazhdojë të bashkëpunojë edhe në të ardhmen me qeverinë aktuale të legjitimuar në mënyrë demokratike'.

Vendimin e PD-së dhe LSI-së për të djegur mandatet dhe u larguar nga Kuvendi, Schütz e cilëson të gabuar, pasi thotë se 'në demokraci parlamenti është vendi kryesor për zhvillimin e debatit politik mes partive politike'.
Megjithatë, diplomatja gjermane në Tiranë shton se do të bashkëpunojë me deputetët e opozitës në parlament. 

Një nga deputetët që nuk pranoi që të digjte mandatin ishte Rudina Hajdari, me të cilën Schütz pak ditë më parë zhvilloi një takim duke shprehur mbështetjen për vendimin. Schütz mbështet reformat e ndërmarra, kryesorja në drejtësi, ndërsa shpreh keqardhjen për nuk është miratuar reforma zgjedhore.

 +++ Deklaratë e Ambasadores  Schütz +++
Shqipëria gjendet përpara vendimmarrjes të rëndësishme të Bashkimit Evropian lidhur me nisjen e bisedimeve të anëtarësimit. Ndaj tani nuk duhet humbur kohë, në mënyrë që reformat e nisura të vijojnë më tej  dhe të arrihen rezultate të tjera konkrete në pesë prioritetet kyç. Përshëndes faktin që - edhe pse ngadalë -  reforma në drejtësi po ecën përpara në mënyrë të pandërprerë. Ajo është një sukses; ndaj procesit të reformave nuk ka alternativë, ai është i pakthyeshëm dhe unik në rajon.

E rëndësishme është që edhe Gjykata Kushtetuese dhe Gjykata e Lartë, si instrumenta të rëndësishëm korrektivë të shtetit ligjor, të mund të jenë së shpejti sërish funksionale. Në këtë kontekst përpara duhet të çohet edhe ngritja e strukturës së SPAK-ut. Ne presim hapa të tjerë përpara edhe në luftën kundër krimit të organizuar dhe korrupsionit. Të gjitha këto përpjekje janë të rëndësishme për të bindur shqiptaret dhe shqiptarët, por edhe investitorët e huaj, që drejtësia shqiptare garanton siguri ligjore.

Ne respektojmë vendimin e secilit deputet dhe të pasuesve të tyre në lista për dorëzimin, pranimin apo refuzimin  e mandateve. Njëkohshëm theksoj, se në demokraci parlamenti është vendi kryesor për zhvillimin e debatit politik mes partive politike. Qeveria Federale do të vazhdojë të bashkëpunojë edhe në të ardhmen me qeverinë aktuale të legjitimuar në mënyrë demokratike si dhe mbajtësit e mandateve në Kuvend.

Shprehim keqardhjen e madhe, që megjithë bashkëpunimin fillimisht të mirë mes shumicës dhe opozitës, reforma zgjedhore deri më tani nuk është miratuar. Zbatimi i rekomandimeve të OSBE/ODIHR-it mbetet një komponent i rëndësishëm në ndërtimin e një sistemi zgjedhor solid në Shqipëri, i cili do mund të gëzojë besimin e qytetarëve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dritan G.: 18/03/2019 20:58

    Tani është koha për të bërë publike. Pse bashkohen partitë e opozitës dhe duan që Rama të shkojë? Kush është Lulzim Basha? Funksioni i tij? Kush është Monika? Funksioni i saj? Ne nuk kemi nevojë për të fshehur të vërtetën nga bashkatdhetarët. Më mirë krijoni një opozitë të re. Ata do të jenë më konstruktivë sepse nuk kanë frikë nga asgjë.

    Përgjigju
  • Iliri: 18/03/2019 18:07

    Shume sakte flasin nderkombetaret ashtu si mendon pjesa me e madhe e popullit qe rrotacioni te behet ne menyre demokratike e jo me revolucion si thote zonja e pare nga fundi Zoterinj ambasadore , ne ne Shqiperi I themi qe peshku qelbet nga koka e per kete koka e keti vendi nuk do qe te degjohen keshillat tuaja ,por revolucioni I gruas

    Përgjigju
  • Wirklisch!: 18/03/2019 17:58

    ..sehr gut gemacht!..viele danke!

    Përgjigju
  • resmi kryeziu: 18/03/2019 17:27

    shkurt dhe sakte

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça