POP 5

Lajmet më të lexuara të 5 minutave të fundit

Kosova & Rajoni

Ambasada SHBA: Kosova është
plotësisht e aftë të zhvillojë zgjedhje

Ambasada e SHBA-ve analizon zgjedhjet e fundit në Kosovë, duke theksuar se suksesi tregon edhe një herë fuqishëm se Kosova është shtet sovran që kontrollon tërë territorin e saj.
Ambasada SHBA: Kosova është<br />plotësisht e aftë të zhvillojë zgjedhje
PRISHTINË - Ambasada e SHBA-ve përgëzon të gjithë qytetarët e Kosovës që votuan të dielën për të siguruar se zëri i tyre është dëgjuar në procesin demokratik të Kosovës. SHBA-të presin të punojnë me udhëheqësit e zgjedhur në mënyrë të rregullt gjersa ata përqëndrohen në punën e rëndësishme të qeverisjes dhe në zbatimin e politikave dhe programeve të cilat i shërbejnë nevojave dhe interesave të komunave të Kosovës. Mbesim të përkushtuar për të ndihmuar zhvillimin e komunave të Kosovës, përfshirë komunat funksionale, si dhe për investimet në bashkësitë në veri të Kosovës.

Përkundër raportimeve të disa parregullsive – shumë prej të cilave i janë paraqitur policisë dhe prokurorisë së Kosovës – gjetjet fillestare sygjerojnë se shumica e qytetarëve morën pjesë në një proces të qetë, sigurtë dhe të besueshëm. Përpjekjet e fuqishme të KQZ-së në bashkërendim të ngushtë me policinë e Kosovës dhe prokurorët ishte një demonstrim i fuqishëm i faktit se Kosova është e përkushtuar ndaj sundimit të ligjit, dhe se nuk do të tolerojë sjelljet e paligjshme që e pengojnë procesin demokratik. Ambasada pret nga policia e Kosovës dhe prokurorët që ata të vazhdojnë punën e tyre të fuqishme dhe të mbesin syhapur në gjetjen dhe hetimin e paraqitjeve të mashtrimit dhe kërcënimit.

Raportet fillestare sugjerojnë se Kosova ka ruajtur përmirësimet e bëra në rrethin e parë të zgjedhjeve dhe këto tregojnë se Kosova është plotësisht e aftë që të zhvillojë zgjedhje të besueshme dhe transparente dhe në përputhje me standardet ndërkombëtare. Ne inkurajojmë udhëheqësit të cilët kanë treguar guxim dhe përkushtim në mbështetjen e zgjedhjeve të lira dhe të drejta që të mbështeten në këtë moment pozitiv për të kaluar një reformë të vërtetë zgjedhore në përputhje me aspiratat evropiane të Kosovës.

Ambasada e SHBA-ve po ashtu falënderon partnerët tanë ndërkombëtarë, përfshirë OSBE-në, EULEX-in, dhe KFOR-in, të cilët garantuan se të gjithë qytetarët mund të votojnë në një proces të sigurt, dhe i presim raportet e vlerësimeve fillestare nga Misioni Monitorues i BE-së. Suksesi i qartë i këtyre zgjedhjeve lokale tregon edhe një herë fuqishëm se Kosova është shtet sovran që kontrollon tërë territorin e saj gjë që vetëm sa e përforcon kredibilitetin e saj si një demokraci në ardhje, e cila ka një perspektivë të vërtetë evropiane.  

Redaksia Online
(mag/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kandidati prorus prin në zgjedhjet presidenciale në Rumani

Kandidati prorus prin në zgjedhjet presidenciale në Rumani

25 Nëntor, 09:41