POP 5

Lajmet më të lexuara të 5 minutave të fundit

Politikë

Ambasadorët-Rama: Përgatitjet e
zgjedhjeve me rëndësi maksimale

Pas takimit ambasadori i OSBE-së Wollfarth duke folur në emër dhe të ambasadorit Sequi dhe Arvizu, nënvizoi rëndësinë që kanë përgatitjet me standarde për zgjedhje e 23 qershorit.
TIRANE-  Trojka e ambasadorëve të OSBE, SHBA dhe BE zhvilloi një takim kokë më kokë më liderin socialist Edi Rama, kryefjala e së cilës ishin përgatitjet për procesin zgjedhor si dhe zhvillimet e fundit në Preshevë. Në takimin e thirrur nga selia rozë, Rama informoi Ambasadorin e BE-së Ettore Sequi, Ambasadorin e OSBE-së Eugen Wollfarth dhe ambasadorin e SHBA-së Aleksandër Arvizu mbi problemet që shqetësojnë më shumë PS në përgatitjet për zgjedhjet e ardhshme, ndër të cilat ndarja e mandateve.

Pas takimit ambasadori i OSBE-së Wollfarth duke folur në emër dhe të ambasadorit Sequi dhe Arvizu, nënvizoi rëndësinë që kanë përgatitjet me standarde për zgjedhje e 23 qershorit dhe bëri apel që dialogu i filluar mes partive duhet të vazhdojë.

"Përgatitja e zgjedhjeve sipas legjislacionit në fuqi është e një rëndësie maksimale. Të gjitha partitë, jo vetëm Partia Socialiste, duhet të jenë të interesuara për këtë. Përgatitjet po vijojnë. Ato përfshijnë edhe elementet elektronike që lidhen me numërimin dhe kartat e identitetit. Këto përgatitje, si dhe zgjedhjet, duhet të zhvillohen në mënyrë konstruktive sa u takon çështjeve që çojnë në një të ardhme më të paqtë për Shqipërinë, mes tyre: shteti i së drejtës, zhvillimi i mirë i çështjeve sociale dhe i ekonomisë. Komisioni Qendror i Zgjedhjeve po punon; parlamenti është momentalisht duke diskutuar në një komision, pra po punon dhe çdo gjë që është konstruktive ka mbështetjen tonë. Kjo është e rëndësishme për zhvillimin e Shqipërisë, për të ardhmen e Shqipërisë dhe për integrimin e Shqipërisë në strukturat ekzistuese në Evropë."- tha Wollfarth.

Ndërsa vetë kryesocialisti Rama, në një prononcim të shkurtër pas takimit, theksoi se PS është në sintoni të plotë me ndërkombëtarët si për ngjarjet në Preshevë ashtu edhe për zgjedhjet. Hera e fundit që trojka e ambasadorëve është takuar me Ramën në selinë rozë është gjatë verës së 2012, në kulmin e diskutimeve për zgjedhjen e presidentit të republikës.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11