Tirane- Ambasadori i Britanisë së Madhe në Shqipëri, Nick Abbott kërkoi sot miratimin e mekanizmit për parandalimin e korrupsionit.
Në fjalën e tij në takimin që Kryeparlamentarja Elisa Spiropali zhvilloi në kryesinë e Kuvendit me organizatat e shoqërisë civile, Abbott shprehu mbështetjen e qeverisë britanike për Parlamentin dhe shoqërinë civile në Shqipëri.
“Ne punojmë nga afër me këtë partner. Përgëzojmë Parlamentin për miratimin e shqyrtimit postlegjislativ dhe dëshirojmë të shohim gjithashtu miratimin e mekanizmit e parandalimit të korrupsionit”, tha ai.
“Të gjithë jemi dakord që shoqëria civile ka një rol kyç në përmirësimin e transparencës së llogaridhënies të institucioneve publike në një vend demokratik. Partnerët tanë kanë ofruar metoda të dialogut me shoqërinë civile nëpërmjet paneleve të qytetarëve”, u shpreh Abbott.
Më tej, ambasadori Abbott vuri theksin tek nevoja që Parlamenti të ushtrojë me efektivitet mekanizmat kushtetuese për të garantuar transparencën dhe përfshirjen e shoqërisë civile si jetike për zhvillimin e demokracisë.
“Është e nevojshme që Parlamenti të ushtrojë me efektivitet mekanizmat kushtetutese për të garantuar transparencën dhe përfshirjen e shoqërisë civile si jetike për zhvillimin e demokracisë”, tha ai.
“Parlamenti duhet të angazhohet në mënyrë aktive dhe të vazhdueshme në dialogun me shoqërinë civile dhe të përdorë mekanizima ekzistues dhe të rinj për të garantuar transparencën duke rritur kështu besimin e qytetarëve në proceset qeverisëse dhe vendimmarrëse”, nënvizoi Abbott.
“Mirëpresim çdo nismë që i jep rëndësi strukturave të shoqërisë civile duke fuqizuar rolin e saj, si një aktor kyç në demokraci”, theksoi ai.
Ambasadori i Bashkimit Evropian në Tiranë, Silvio Gonzato deklaroi sot se, shoqëria civile duhet të përfshihet më shumë në procesin e integrimit evropian.
Në fjalën e tij në takimin që Kryeparlamentarja Elisa Spiropali zhvilloi në kryesinë e Kuvendit me organizatat e shoqërisë civile, Gonzato u shpreh se, “është e rëndësishme që mekanizmat konsultues që ngrihen të jenë asnjanëse politikisht dhe institucionale, dhe kjo është sidomos e rëndësishme në kontekstin e negociatave për anëtarësim, dhe është një prej kushteve për anëtarësim në BE”.
“Organizatat e Shoqërisë Civile dhe qytetarët duhet të marrin pjesë në mënyrë aktive në procesin e reformave. Kjo nënkupton që duhet t’i jepet hapësira e nevojshme për të kontribuar në mënyrë kuptimplote në diskutime në mënyrë që zëri i qytetarëve të merret parasysh”, tha ai.
“Duhet po kështu që të kenë mundësi që të ushtrojnë funksionin e tyre të monitorimit dhe të kontrollit të veprimeve të qeverisë. OSHC-të luajnë një rol për të ofruar ekspertizat sektoriale dhe gjithashtu edhe njohuri për qeverinë gjatë negociatave për anëtarësim”, u shpreh ambasadori i BE.
Bisedimet për anëtarësim, shtoi Gonzato, janë një proces mbarëshoqëror.
“Ky parlament ka ndërmarrë disa angazhime të rëndësishme. Të forcojë llogaridhënien dhe transparencën e Kuvendit, duke siguruar një qasje më të lehtë dhe më në kohë për OSHC-të, për dokumentacionin, përfshi edhe për Personat me Aftësi të Kufizuar dhe ngritjen e një sistemi legjislacioni që mund ta bëjë rritjen e kontributit të OSHC-ve në punën e komisioneve parlamentare, përmirësimi i platformës për kontributin e tyre, duke bërë më miqësore më të aksesueshme. Gjithashtu ka edhe një sërë angazhimesh për të krijuar një mjedis mundësues për OSHC-të dhe për të krijuar një hapësirë qytetare, duke përfshirë edhe përmirësimin e kuadrit rregullator dhe ligjor për OSHC-të”, tha Gonzato.
Ambasadori Gonzato i bëri thirrje parlamentit që të zbatojë angazhimin dhe të përfshijë sa më shumë OSHC-të në punën e vetë në përputhje me standardet e BE-së.
“Për shembull, ka një mundësi aktualisht për ta bërë këtë, sa u takon dy komisioneve të posaçme aktuale që merren me çështje shumë të rëndësishme shoqërore, dhe po i referohem Komisionit për Thellimin e Reformave në Sundimin e Ligjit, Mirëqeverisjen dhe Kundër Korrupsionit, si edhe Komisionin Kundër Dezinformimit”, tha ai.
Sa i takon bisedimeve për anëtarësim, Gonzato u shpreh se, “qeveria dhe parlamenti duhet të sigurojnë një nivel më të lartë transparence për të lejuar OSHC-të, por edhe publikun e gjerë që të mund të kontribuojë për debatin në mënyrë më kuptimplotë”.
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Projekt-buxhetin 2025 në parlament/ Toska: Fjalimi i Ramës i vjetëruar, iu shmang debatit! PD me protestën nesër kërkon të karikojë njerëzit para zgjedhjeve
18 Nëntor, 17:59 -
Protesta e të martës/ Berisha: Mobilizim brenda dhe jashtë Parlamentit, duam minimumin jetik prej 200 eurosh! Anëtarët e PD më aktivë në rrjetet sociale, takime me Diasporën
15 Nëntor, 15:21 -
Ministri Gonxhja-Nokës: Ke përfituar nga Enti Kombëtar i Banesave! Vëllezërit dhe motra morën banesa, për çfarë morali flet?! Do përgjigjesh ligjërisht! Deputeti: Asgjë nuk është dhënë nga shteti
14 Nëntor, 14:03 -
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
Pr/buxheti 2025/ Të hënën dhe të martën seancat maratonë në Kuvend! PS mbledh grupin dhe lë porositë: Duam angazhim maksimal! Ta miratojmë pa vonesa
11 Nëntor, 10:47 -
Berisha: Mosbindja civile do të vazhdojë, në Parlament për të mbrojtur qytetarët nga vjedhja e buxhetit! Basha stoli e Ramës
9 Nëntor, 14:31 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Alban Daci: Dy realitete të së njëjtës medalje!
31 Tetor, 19:23
-
Pasi mbylli seancën e pyetjeve në SPAK, deputetja Elda Hoti i ‘justifikohet’ kreut të grupit Gazment Bardhi dhe e qetëson
31 Tetor, 19:02 -
Statusi i minatorit, PD dorëzon në Kuvend projektligjin: Paga jo më e vogël se dyfishi i minimales! Pensioni i parakohshëm dhe kompensimi për aksidentet
31 Tetor, 15:05 -
Opozita dogji karriget në Parlament, Kuvendi hap tenderin për 30 të reja, vlera sa dyfishi i dëmit të të parave
29 Tetor, 12:35
