Ambasadori francez: Haradinaj
po gjykohet për akuza të reja

Diplomati francez Chabert gjatë një takimi me të rinj në Kosovë ka thënë se Ramush Haradinaj po mbahet në bazë të një fletarresti që nuk korrespondon me dy herët e para për të cilat Haradinaj është shpallur i pafajshëm.
 
"Ky mandatarrest përfshin një periudhë tjetër kohore dhe aktakuza të tjera, prandaj gjyqësia franceze ka qenë e obliguar ta shqyrtojë atë.
 
Ndoshta më mirë do të duhej të merremi me çështjen se pse nuk janë tërhequr këto fletëarreste të lëshuara nga Serbia, nga vendet e tjera" është shprehur ambasadori Didier Chabert.
 
Ndërkohë në lidhje me çështjen e liberalizimit të vizave për Kosovën, ambasadori francez ka vënë theksin se kriteret e vendosura nga Bashkimi Evropian për këtë çështje përkojnë me kohën kur Kosova ka fituar të drejtën dhe perspektivën për të filluar procesin e integrimit në BE.
 
Më tej ai ka thënë se demarkacioni i kufirit me Malin e Zi, nuk duhet të përbëjë problem për Kosovën dhe se fajtor për mosratifikimin e kësaj marrëveshje mbeten deputetët e Kuvendit të Kosovës.


d.m/Shqiptarja.com