POP 5

Lajmet më të lexuara të 5 minutave të fundit

Kosova & Rajoni

Ambasadori i Kosovës në Tiranë: Jemi para Shqipërisë në futboll, muzikë dhe zgjedhje

Ambasadori Ukshini vlerësoi procesin zgjedhor dhe fushatën që e parapriu atë duke i cilësuar si me etikë politikë që duhet të jetë shembull dhe për shumë vende të rajoni.

Ambasadori i Kosovës në Tiranë: Jemi para Shqipërisë në futboll, muzikë dhe zgjedhje

Ambasadori i Kosovës në Shqipëri, Sylë Ukshini e ka konsideruar një ditë feste atë të djeshme kur u mbajtën dhe zgjedhjet e parakohshme parlamentare.

Ambasadori Ukshini vlerësoi procesin zgjedhor dhe fushatën që e parapriu atë duke i cilësuar si me etikë politikë që duhet të jetë shembull dhe për shumë vende të rajoni.

Sipas tij, këto zgjedhje i dërguan dhe një mesazh Brukselit se Kosova është privuar padrejtësisht nga lëvizja e lirë dhe se është pjesë e Evropës

“Dita e djeshme ka qenë një lloj feste dhe 100 mijë votues më shumë se zgjedhjet e kaluara treguan se njerëzit ishin shumë të interesuar për të dhënë votën e tyre.

Edhe fushata ka qenë me një etikë politike që edhe për shumë vende të rajonit mund të jetë shembull. Për shkak të rrethanave ne jemi pjekur dhe para kohe.

Në demokraci fitore është kur ka stabilitet dhe besueshmëri. Ky është një shembull për t’i thënë Brukselit se kosovarët padrejtësisht janë privuar nga lëvizja e lirë. Kosovarët kanë treguar se janë pjesë e Evropës”, tha Ukshini.

Më tej ambasadori i Kosovës në Shqipëri iu përgjigj dhe pyetjes për se si do të ndikojë në marrëdhëniet mes Tiranës dhe Prishtinës zgjedhja e Albin Kurtit kryeministër.

Për diplomatin kosovar marrëdhëniet mes dy vendeve tona do të ecin përpara pasi jemi një komb. Me nota humori ai shtoi se Shqipëria duhet të pranojë se Kosova është më para saj në futboll, muzikë dhe organizimin e zgjedhjeve.

“Në kuptimin e interesit kombëtar, mendoj që marrëdhëniet Kosovë Shqipëri do jenë në trendet që kanë qenë dhe do të ecin përpara.

Dy orientime strategjike të tjera të Kosovës do të jenë Uashingtoni dhe Brukseli. Shqipëria është partner i natyrshëm, jemi një komb dhe kemi një gjuhë.

Në futboll, muzikë dhe zgjedhje duhet ta pranojmë që ne jemi më përpara, ca gjëra duhet t’i pranojë dhe Shqipëria, kështu që disa gjëra duhet të marrim nga ju dhe ju nga ne. Është një simbiozë e natyrshme”, përfundoi ambasadori Ukshini për A2.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • erkand: 07/10/2019 20:15

    normal qe jeni, sidomos kampion te evazionit fiskal. kosovaret vijne kendojne ketu, marrin nga 5000 deri 10000 euro per koncert (Ledri, Tayna, Kresha, Kapital T, Getoari, Majk, Fejzullahu, Gjiko, 2 Ton, Nora, Dafina) etj. Mijra koncerte, cdo weekend, dhe per gjithe kete periudhe si kan pagu nje gjysem lekshi shtetit shqiptar qe ja u ofron kete mundesi. BRAVO KOSOVA

    Përgjigju
  • Kafsha: 07/10/2019 16:02

    Ikni more fshatarë mësoni shqip njehere, pastaj...

    Përgjigju
    • Parrucjani: 07/10/2019 19:43

      O kafsha, sa kafsh qenke

    • Toni: 07/10/2019 18:40

      Ke dale kampion europe katundar kosove

    • vjeshta: 07/10/2019 17:28

      Shqip mëso ti

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Mandati i ri i Putinit, një epokë me fuqi të jashtëzakonshme

Mandati i ri i Putinit, një epokë me fuqi të jashtëzakonshme

6 Maj, 08:09