Ambasadori i Kroacisë takon Ruçin: Presidentja e BE do të mbështesë integrimin e BE dhe çeljen e negociatave për Shqipërinë

TIRANE- Kryetari i Kuvendit Gramoz Ruçi, priti ambasadorin e Kroacisë,  Zlatko Kramarić. Ky i fundit vlerësoi bashkëpunimin mes dy vende, partneritetin strategjik politik, zgjerimin e bashkëpunimit ekonomik dhe të rritjes së investimeve, si edhe garantoi se përpjekjet e presidencës Kroate të BE-së do të jenë maksimale për mbështetjen e Ballkanit Perëndimor dhe çeljen e negociatave me Shqipërinë dhe Maqedoninë e Veriut.

Gjatë takimit, Ruçi vlerësoi bashkëpunimin e shkëlqyer politik si edhe partneritetin strategjik midis të dy vendeve.

“Kroacia dhe Shqipëria janë partnerë strategjikë dhe nuk kanë asgjë çështje që na ndan, të gjitha na bashkojnë. Bashkëpunimi i shkëlqyer politik duhet të shoqërohet edhe nga rritja e bashkëpunimit ekonomik, tregëtar si edhe prezenca më e madhe e investimeve kroate në Shqipëri. Ne jemi mirënjohës për mbështetjen e vazhdueshme dhe të fuqishme për integrimin europian të Shqipërisë dhe kemi bërë gjithçka për të merituar çeljen e negociatave gjatë presidencës kroate të BE-së. Ju jemi gjithashtu mirënjohës për mbështetjen e integrimit të Kosovës si edhe kontributin e spikatur për ruajtjen dhe promovimin e paqes, sigurisë dhe stabilitetit në rajon. Diaspora shqiptare në Kroaci është një urë e fuqishme për mbështetjen e bashkëpunimit dypalësh”, tha Ruçi.

TAG:
• gramoz ruçi
• Zlatko Kramarić