POP 5

Lajmet më të lexuara të 5 minutave të fundit

Politikë

Ambasadori i ri i BE Silvio Gonzato: Shqipëria rol kyç në rajon! Qasja Euroatlantike, aset për BE-në

Ambasadori i ri i BE në Tiranë Silvio Gonzato tha se Shqipëria luan një rol kyç për stabilitetin në rajon dhe është i vetmi vend që nuk ka probleme me fqinjët. Ai e konsideroi si aset qasjen euro-atlantike të Shqipërisë, ndërsa tha se diplomatët shqiptarë kanë dhënë kontribut të vyer edhe në Këshillin e Sigurimit të OKB.

I sapombërritur në Tiranë me detyrën e ambasadorit të BE Silvio Gonzato, foli për herë të parë për rolin kyç të Shqipërisë në rajonin e Ballkanit, por edhe kontributin e dhënë në arenën ndërkombëtare, në një kohë që është edhe pjesë e Këshillit të Sigurimit.

Në tryezën e mbajtur në Tiranë për të ardhmen e Ballkanit në BE, ambasadori Gonzato tha se Shqipëria ishte i vetmi vend në Ballkan që nuk kishte probleme me fqinjët, ndërsa e vlerësoi qëndrimin e Shqipërisë dhe qasjen e saj euroatlantike, si aset për bllokun evropian.

“Kam parë se sa të aftë kanë qenë diplomatët tuaj për të siguruar që Shqipëria si anëtare Këshilli i Sigurimit të mund të kontribuojë vërtet në mbrojtjen e rendit ndërkombëtar të bazuar në rregulla. Qasja euroatlantike e Shqipërisë si dhe partneriteti i saj është një aset i madh i BE-së, pa asnjë diskutim. Një tjetër kontribut që mund të japë Shqipëria është roli kyç në Rajon, çka vlerësohet shumë si një faktor shënjues për stabilitetin në Rajon”.- tha Silvio Gonzato, Ambasadori i BE-së në Tiranë.

Ajo çka njëzëri u përmend nga diplomatët e pranishëm gjatë kësaj tryeze organizuar nga Instituti Shqiptar i Medias ishte qasja që Shqipëria ka sa i takon linjëzimit me vlerat dhe politikat e Bashkimit Europian. Ambasadori i Spanjës në Shqipëri, Alvaro Renedo Zalba nënvizoi se jo vetëm Evropa i jep Shqipërisë, por edhe Shqipëria i jep Evropës, ndaj vendi i saj është në Bashkimin Evropian.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Karambolohen dy autoveturat në Korçë-Pogradec, plagosen 2 pasagjerët

Karambolohen dy autoveturat në Korçë-Pogradec, plagosen 2 pasagjerët

25 Dhjetor, 17:16