Ambasadori i Ukrainës në Tiranë flet mes protestuesve: Lufta duhet të ndalet! Populli rus të ngrihet dhe të ndalojë Putin-in! Perëndimi po na ofron armë

 

Ambasadori i Ukrainës në Tiranë, Volodymyr Shkurov, mes protestuesve në kryeqytet para Ambasadës Ruse, tha se lufta në Ukrainë duhet të ndalet ndërsa i bëri thirrje popullit rus që të ngrihet e t’i thotë Presidentit Vladimir Putin që të ndalojë me sulmet. Sakaq, Shkurov deklaroi se nuk mendojnë vetëm për Ukrainën, por për të ardhmen paqësore të të gjithë Europës e më tej. Sakaq, ambasadori deklaroi se perëndimi po ju ofron armë.

"Kanë vdekur 16 fëmijë. Ushtria bën punën e saj. Lufta duhet të ndalet. Dua t'i drejtohem atyre që nuk shkojnë dot në vendstrehime. Kam parasysh ato në moshë të thyer, të sëmurë dhe që s'mund të lëvizin. I bëj thirrje popullit rus, se kanë një person që ka në dorë një buton të kuq. Sot nuk mendojmë vetëm për Ukrainën, por dhe Europën, duam një të ardhme paqësore. Populli rus ti thotë liderit të vet jo luftës, dhe kjo duhet të ndalet. I përulem popullit shqiptar që është ngritur në këtë protestë. Shpresoj që diçka të arrihet në negociatat që do zhvillohen. S’ka një shtet që mund të mbrohet nga armët bërthamore, por ju drejtova popullit rus që t’i flasin kreut të tyre.”-tha Shkurov.

LEXO EDHE:
Basketboll meshkuj/ Besëlidhja 'ia merr dorën' Tiranës, e mposht edhe në ndeshjen e dytë dhe shkon në finale

Lajmi kryesor:

Protestë kundër Rusisë, flamuri i Ukrainës valvitet edhe në Shqipëri! Ambasadori i Ukrainës në Tiranë thirrje popullit rus: Ngrihuni kundër Putin! Ka një buton të kuq në dorë

/KT/Shqiptarja.com

TAG:
• Tirane
• ambasada ruse
• rusia sulmon ukrainen
• konflikti rusi-ukraine
• Protesta
• rusia
• ukraina
• Volodymyr Shkurov