Ambasadori italian Gaiani sot në
redaksinë e Shqiptarja.com

TIRANE- Ambasadori Italian në Tiranë Massimo Gaiani bëri një vizitë dhe një intervistë sot në mjediset e grupit mediatik Free and Fair Media Group.

Ambasadori Gaiani foli për zhvillimet më të fundit në Shqipëri dhe për marrëdhëniet mes Italisë dhe Shqipërisë në këtë vit të rëndësishëm elektoral për dy vendet fqinje dhe aleate.




Ambasadori Italian, i shoqëruar nga Sekretarja e Parë e ambasadës për çështjet Politike dhe për Median, Stefania Fancello, pati dhe një bisedë me drejtuesit e Free and Fair Media Group. Drejtoresha e Përgjithshme Alba Malltezi, drejtori i televizionit A1 Report, Ilir Babaramo, Drejtuesit e të përditshmes Shqiptarja.com në print dhe online, Arben Rrozhani, Ersi Karameto, Genc Kondi, Admirina Peci dhe Granit Sokolaj e njohën ambasadorin me stafin dhe punën e palodhur të tij për të ofruar në çdo moment informacione të verifikuara dhe të ndershme për telespektatorët.




“Shoh një staf të ri dhe të motivuar për të punuar - tha Ambasadori Gaiani. - Shumë shpejt media juaj e re ka zënë pozicionin e saj në tregun mediatik të Shqipërisë, prandaj unë u kuriozova dhe dëshiroja të vija t'iu takoja”.


Intervista e plotë e Ambasadorit Gaiani do të transmetohet në Tv A1Report dhe në Shqiptarja.com në print dhe online.



(sg/ad.ti/shqiptarja.com)