BERAT - Gjatë një takimi kulturor të organizuar mesditën e sotme në qytetin e Beratit, ambasadori rus në vendin tonë, Aleksandër Karpushin, ka deklaruar se marrëdhëniet mes Shqipërisë dhe Rusisë kanë ende shumë probleme. Karpushin është shprehur se edhe pse Rusia dhe Shqipëria gëzojnë një marrëdhënie të hershme, të bazuar në miqësi dhe respekt reciprok, aktualisht po kalojnë një periudhë jo të lehtë, atë të rivendosjes së lidhjeve dy-palëshe mes tyre e cila ishte ndërprerë për gati 30-vjet.
Sipas Karpushin, ky proces fatkeqësisht është shumë i ndadaltë, sidomos në fushën ekonomike dhe tregtare, ndërkohë që në fushën kulturore dhe humanitare bashkëpunimi mes dy vendeve po zhvillohet në mënyrë mjaft dinamike.
Mjafton të vizitosh një librari në Shqipëri dhe shihet qartë që 30% e librave që janë në shitje janë përkthime të veprave bashkëkohore dhe klasike të letërsisë ruse. Shqiptarët e duan këngën ruse dhe në Shqipëri këngët ruse u bënë të njohura gjatë dhe pas Luftës së Dytë Botërore, kur partizanët shqiptarë luftonin kundër fashizmit, prandaj u bën edhe shumë popullore këngët ushtarake, ndërkohë që romancat dhe ariet operistike janë bërë edhe pjesë e repertorit të artistëve më të famshëm shqiptarë.
Aleksandër Karpushin, ambasador i Rusisë në Tiranë
Sipas ambasadorit Karpushin, ka qenë kënga ruse ajo që i ka lidhur bashkë të dy popujt tanë dhe ka shërbyer për intensifikimin e raporteve midis tyre dhe kërkesa e lartë për veprat e autorëve rusë ka bërë të mundur formimin në Shqipëri të një pleiade përkthyesish të mbrekullueshëm.
Deklarata e ambasadorit rus, Aleksandër Karpushin, është bërë gjatë një aktiviteti të organizuar në Bilbliotekën “Vexhi Buharaja” të qytetit, ku ai ishte i pranishëm në promovimin e librit “Këngë Ruse”, të profesorit beratas, Miltjadh Bode, njëkohësisht ish-ambasador i vendit tonë në Poloni dhe Korenë e Veriut.
Në lidhje me librin, ambasadori Karpushin ka pohuar se në këtë vepër voluminoze me 800 këngë ruse të përkthyera në shqip, jo vetëm që pasqyrohet pjesa më e madhe e historisë së këngës ruse por edhe dashuria e shqiptarëve për kulturën dhe për letërsinë ruse.
Lajme të tjera
-
Shqiptarët më të 'frikësuarit' në rajon nga inteligjenca artificiale
25 Dhjetor, 12:46 -
25 vjet Putin, nga miku në armik
25 Dhjetor, 12:41 -
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Fëmijët jetim në prag të festave të fundvitit
23 Dhjetor, 11:07
