Një certifikatë mirënjohjeje u dorëzua sot në Kuvendin e Shqipërisë nga përfaqësues të veteranëve të Ushtrisë Çlirimtare të Kosovës. Dokumenti ishte një falënderim për mbështetjen që Kuvendi ka dhënë për ish-udhëheqësit e UÇK-së që po gjykohen në Hagë.

Në takim ishte i pranishëm kryetari i Grupit Parlamentar të Partisë Socialiste, Taulant Balla, njëherazi drejtues politik i Partisë Socialiste për Diasporën. Në takim përfaqësuesit e iniciativës “Të gjithë për Luftëtarin” vlerësuan angazhimin institucional të Shqipërisë në mbrojtje të pafajësisë së Hashim Thaçit. Kadri Veselit, Jakup Krasniqit dhe Rexhep Selimit

“Asnjëherë më bukur Kuvendi i Shqipërisë ndërsa mirëpret ish-anëtarë të Ushtrisë Çlirimtare të Kosovës”, tha Balla gjatë takimit, duke theksuar rëndësinë e solidaritetit institucional dhe kombëtar.

Më 12 shkurt Kuvendi i Shqipërisë miratoi një rezolutë ku shpreh mbështetjen për pafajësinë e ish-komandantëve të UÇK-së dhe i kërkon Dhomave të Specializuara në Hagë dhe institucioneve ndërkombëtare të garantojnë një proces të drejtë dhe të paanshëm, me respekt për dinjitetin e luftës çlirimtare.

Me 92 vota pro, asnjë kundër dhe asnjë abstenim, deputetët e konsideruan kërkesën e Prokurorisë Speciale në Hagë për të dënuar me nga 45 vite burg ish komandantët e UÇK-së, një shtrembërim të rëndë historik. Rezoluta kërkon nga Dhomat e Specializuara në Hagë dhe institucionet ndërkombëtare që të garantojnë një proces të drejtë dhe të paanshëm, duke respektuar dinjitetin e luftës çlirimtare.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera