POP 5

Lajmet më të lexuara të 5 minutave të fundit

Politikë

Ambasadorja amerikane në OKB vlerëson rolin e Shqipërisë për shpëtimin e afganëve

Ambasadorja e SHBA-së në Kombet e Bashkuara, Linda Thomas -Greenfield ka vlerësuar rolin e Shqipërisë në strehimin e afganëve të cilëve u rrezikohej jeta në atdheun e tyre nga regjimi talebanë.

Ambasadorja amerikane në OKB vlerëson rolin e Shqipërisë për shpëtimin e afganëve

Afganët në Shqipëri

SHBA- Ambasadorja e SHBA-së në Kombet e Bashkuara, Linda Thomas -Greenfield ka vlerësuar rolin e Shqipërisë në strehimin e afganëve të cilëve u rrezikohej jeta në atdheun e tyre nga regjimi taleban. Në takimin që pati më ministren  e Jashtme, Olta Xhaçka, Ambasadorja Greenfield vuri theksin te vazhdimi i bashkëpunimit mes Shqipërisë dhe aleatit të saj strategjik, SHBA, gjatë mandatit të ardhshëm të vendit tonë në Këshillin e Sigurimit të OKB-së.

“Një takim i shkëlqyer sot me Ambasadoren e SHBA në Kombet e Bashkuara, Linda Greenfield!  Bisedë përmbajtësore dhe e frytshme për një sërë çështjesh në të cilat vendet tona po punojnë ngushtë së bashku.  Mirëpres thellimin e bashkëpunimit me miqtë dhe partnerët tanë strategjik gjatë mandatit të Shqipërisë në Këshillin e Sigurimit të Kombeve të Bashkuara”, bëri me dije ministrja Xhaçka pas takimit.

Numri total i refugjatëve afganë që kanë ardhur në vendin tonë ka shkuar në 644. 'Qytet Studenti' ishte vendi i parë ku u akomoduan fillimisht afganët, i cili shërbeu vetëm si një vend tranzit, deri sa të përfundonin procedurat e regjistrimit dhe më pas ato janë strehuar në strukturat hoteliere. Durrësi, Lezha dhe Berati janë tre qytetet që kanë hapur dyert për akomodimin e afganëve, sepse mundësia për strehimin e tyre në kampe është përjashtuar kategorikisht nga kryeministri Edi Rama. Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre, pasi u kërcënohet jeta nga talebanët. Ato do të qëndrojnë për 1 vit, deri sa ata të marrin vizën për të udhëtuar në Shtetet e Bashkuara të Amerikës, por nëse dikush prej tyre do të qëndrojnë përgjithmonë, është i lirë për ta bërë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça