“Kufijtë e Kosovës janë përcaktuar dhe Qeveria e SHBA e përkrah Kosovën në ata kufij si shtet të pavarur e demokratik”.

Kështu ka deklaruar,  ambasadorja e SHBA-ve në Kosovë, Tracey Ann Jaccobson.
Ajo është shprehur se “marrëveshja  për formimin e Asociacionit serb të komunave do të jetë në përputhje me  ligjet e Kosovës”. 

“Ligjet e Kosovës janë shumë përparimtarë dhe u japin një numër të madh kompetencash pushtetit lokal”,  ka thënë ambasadorja amerikane për TV Most në Zveçan, duke shfaqur shpresën se bashkësia do të ndihmojë përfaqësuesit e kuvendeve të bashkëpunojnë dhe të marrin vendime të rëndësishme për planifikimin urban, për arsim etj.

Duke folur për njohjen e kufijve të Kosovës dhe përkrahjen e saj si shtet, Tracey Ann Jaccobson ka vijuar:
 “Konsiderojmë se Serbia e Kosova duhet të vazhdojnë rrugën e drejt integrimeve evropiane dhe për këtë arsye është i rëndësishëm normalizimi i marrëdhënieve ndërmjet këtyre dy shteteve”. 

Ajo ka ftuar qytetarët e Mitrovicës veriore që të dalin në zgjedhjet e 23 Shkurtit për të zgjedhur prefektin.  Tracey Ann Jaccobson ka qëndruar gjatë ditës në Zveçan dhe ka vizituar tri ndërmarrje, që kanë përfituar grante nga qeveria amerikane.
 
Redaksia online
 
(bg/ shqiptarja.com)